TikTokБөлімге өту
Тауар белгісі дегеніміз не? • Тауар белгісіне иелікті қалай алуға болады? • Тауар белгісін TikTok-та иесінің рұқсатынсыз пайдалануға болады ма? • TikTok тауар белгісі құқықтарыңызды бұзса не істеу керек? • TikTok-та тауар белгісін бұзу туралы шағым түскеннен кейін не болады? • Контент тауар белгісі ережесін бұзды деген себеппен қателікпен жойылса не істеуге болады? • TikTok-та тауар белгісі құқығын бұзу жағдайларын жинап барып бір ескерту жасау жүйесі бар ма? • Контентіңіз тауар белгісі ережесін бұзбауы үшін не істеу керек? • Контрафактілік өнімдер дегеніміз не? • Қандай тауар түрлері контрафактілік болуы мүмкін? • Жасанды көшірмелер жасау неліктен зиянды? • Жасанды көшірмелер жасауға заңмен тыйым салынған ба? • TikTok-та жасанды көшірмелер жасаудың алдын қалай алуға болуға болады?
Тауар белгісі деген не?
Тауар белгісі дегеніміз сөз, символ, слоган, дизайн немесе кез келген осы нәрселердің комбинациясы, сол арқылы тауар өндірушісін немесе қызмет көрсетуші тұлғаны анықтап, оларды басқа тауарлардан немесе қызметтерден ажыратуға болады.
Тауар белгісіне құқықты қалай алуға болады?
Тауар белгісі мемлекеттік немесе аймақтық тауар белгісі кеңсесі арқылы тіркеледі. Тіркеу талаптары туралы толық ақпарат алу үшін тиісті тауар белгісі кеңсесінің веб-сайтына кіріңіз.
Әдетте тауар белгісінің күші бірдей тауарлар мен қызметтерге пайдаланылған бірдей тауар белгілерін ғана емес, сонымен қатар таңба тіркелген юрисдикциялардағы қатысты тауарлар мен қызметтердің ұқсас белгілерін де қамтиды. Әдетте, тауар белгісінің күші 10 жыл бойы жарамды болады, содан кейін оны сақтау үшін тіркеуді жаңарту қажет болады.
Еліңіздегі немесе аймағыңыздағы тауар белгісіне қойылатын талаптар туралы сұрақтарыңыз болса, заңгерлік кеңес алуды ұсынамыз.
Тауар белгісін TikTok-та иесінің рұқсатынсыз пайдалануға болады ма?
Қызмет көрсету шарттары мен Қауымдастық ережелері бойынша басқалардың авторлық құқығын, тауар белгісін немесе басқа зияткерлік меншік құқықтарын бұзатын кез келген материалды жариялауға, бөлісуге немесе беруге тыйым салынады. Бұған басқа тұлғаның тіркелген тауар белгісін тауарларға немесе қызметтерге рұқсатсыз пайдалану жатады. Қатысты тауарлардың және/немесе қызметтердің негізгі көзі, өндірілген жері, демеушілігі немесе тиісті тауарлармен және/немесе қызметтермен байланысы туралы қате ақпарат беретін тәсілдермен жарнамалау үшін рұқсатсыз пайдалануға тыйым салынады.
Басқа біреудің тауар белгісін келесі мақсаттарда пайдалану әдетте біздің саясатымызды бұзу болып саналмайды:
• Тауар белгісінің иесінің тауарлары мен қызметтеріне адал сілтеме жасау, заңмен рұқсат етілген пікір беру, сын айту, күлкіге айналдыру немесе шолу жасау. Мысалы, өнімге шолуларды жариялау және тауардың шығу көзіне сілтеме жасау үшін тауар белгісін пайдалану.
• Тауар белгісі пайдаланушының немесе басқа тұлғаның өз тауарлары мен қызметтеріне сілтеме жасау үшін пайдаланылмаған жерде оларды басқа тауарлармен немесе қызметтермен салыстыру.
• Брендке арналған фан-парақ жасау үшін брендтен рұқсат талап етілмейді (брендпен байланысты деген әсер қалдыруға тырыспасаңыз және оның зияткерлік меншік құқықтарын басқаша түрде бұзбасаңыз).
Пайдаланушы атыңыз біреудің тауар белгісіне қатысты құқықтарын бұзатын болса, біз сіздің атыңызды өзгертуіміз мүмкін екенін ескеріңіз. Дегенмен, тауар белгісінің иесі болсаңыз да сізге тауар белгіңізге ұқсас басқа пайдаланушы атын пайдалану құқығы болмауы мүмкін (тауар белгісінің иесі ретінде құқықтарыңызды бұзбайтын болса).
TikTok-та тауар белгіңізге қатысты құқықтарыңыз бұзылса не істеуге болады?
Егер сіз басқа пайдаланушы тауар белгіңізге қатысты құқықтарыңызды бұзды деп ойласаңыз, мәселені шешу үшін олармен тікелей байланыса аласыз. Сонымен қатар, TikTok қолдау тобынан құқықты бұзады деп болжанған контентті платформадан жоюды талап ету үшін Тауар белгісіне шағымдануға болады.
TikTok-қа тауар белгісі құқығының бұзылуы туралы шағымдану үшін:
1. TikTok қолданбасында шағымданғыңыз келген бейненің бүйіріндегі «Бөлісу» түймесін басыңыз.
2. «Шағымдану» түймесін басыңыз.
3. «Авторлық құқықты бұзу» түймесін басыңыз.
4. Тауар белгісіне шағымдану түймесін басып, нұсқауларды орындаңыз.
TikTok-та авторлық құқықтың бұзылғаны туралы шағымдану үшін онлайн форманы да пайдалануға болады.
Есте сақтаңыз:
• Шшағымданған кезде сіз толық және нақты ақпаратты, соның ішінде тауар белгісін тіркеу туралы куәлікті беруіңізді қажет болады, әйтпесе шағымыңыз қабылданбауы мүмкін.
• Тауар белгісі құқығының бұзылуына шағымдану үшін сіз тауар белгісінің иесі немесе уәкілетті өкіл болуыңыз керек. Шағымда сіздің меншік иесі немесе уәкілетті өкіл екеніңізді дәлелдейтін құжаттар болуы керек.
• Егер сіз саналы түрде жалған немесе ойдан шығарылған шағым жасасаңыз, сіз тиісті елдердің заңдары бойынша келтірілген залал үшін жауапты болуыңыз мүмкін.
Біздің онлайн формамызды пайдаланып жарнамадағы тауар белгісі құқықғының бұзылуы туралы шағымдануға болады.
Сіз TikTok Shop дүкеніндегі тауар белгісі құқығының бұзылуы туралы біздің онлайн формамыз арқылы шағымдана аласыз.
TikTok-қа тауар белгісі құқығының бұзылуы туралы шағым түскеннен кейін не болады?
Тауар белгісі құқығының бұзылуына қатысты барлық шағымдарды зияткерлік меншік жөніндегі мамандар тобы қарайды. Біз шағымда зертеу жұмысы үшін қажет барлық ақпараттың бар екенін және оны шынымен тауар белгісі құқығының иесі немесе оның уәкілетті өкілі бергенін тексереміз. Біз сізден жетіспейтін ақпаратты беруіңізді сұрауымыз мүмкін. Кешігулердің алдын алу үшін мұндай сұрауға дереу жауап бергеніңіз жөн болады.
Егер контенттің Зияткерлік меншік саясатын бұзатынын анықтасақ, ол платформадан жойылады. Біз шағымданушыны да, шағымға себепші пайдаланушыны да қабылданған шара туралы хабардар етеміз.
Контент тауар белгісі құқығын бұзды деген себеппен қателікпен жойылса не істеуге болады?
Контент тауар белгісі құқығын бұзғаны үшін жойылса, сізге қолданба арқылы хабарлама келеді. Контент қателікпен жойылды деп ойласаңыз және оны пайдалануға рұқсатыңыз немесе құқығыңыз болса, TikTok қолданбасы арқылы шағымдануға болады. Сонымен қатар Дауласу формасын толтыру арқылы апелляция беруге болады. Сізден барлық қажетті ақпаратты, соның ішінде байланыс деректерін және шағымыңызды растау үшін дәлел талап етіледі, әйтпесе апелляцияңыз қабылданбауы мүмкін.
Төменде дәлелді себептер болмаса, әдетте қабылданбайтын апелляция себептері берілген:
• Жүйеде осы тауар белгісін осыған ұқсас жолмен пайдаланып жатқан басқа пайдаланушылар бар.
• Сіз тауар белгісін рұқсатсыз пайдалануға болмайтынын білмедіңіз.
• Контентті жариялау сөз бостандығы құқығымен негізделген.
Апелляция мақұлданса, біз контентті қалпына келтіреміз.
TikTok-та тауар белгісі құқығын бұзу жағдайларын жинап барып бір ескерту жасау жүйесі бар ма?
Иә. TikTok-тың қайталанатын ереже бұзу саясатына сәйкес, біз тауар белгісін бұзғаны үшін контенті жойылған пайдаланушыларға ескерту жасаймыз. Аккаунтты біржола жоймас бұрын зияткерлік меншік құқығын бұзудың әрбір түріне 3-ке дейін ескерту жасалады. Авторлық құқықты бұзу мен тауар белгісіне қатысты ережені бұзу жағдайлары бөлек есептеледі. Мысалы, сіз 2 авторлық құқық және 2 тауар белгісі туралы ескерту алсаңыз, аккаунтыңыз бұғатталмайды. Бірақ тауар белгісі құқығын бұзу туралы 3 ескерту және тауар белгісі ережесін бұзу туралы 1 ескерту алсаңыз, аккаунтыңыз бұғатталатын болады.
Ескертулер санына қарамастан, бізде Қауымдастық ережелерін бұзғаны үшін кез келген аккаунтты дереу жою құқығы бар.
90 күннен кейін ескертулер жойылады. Сонымен қатар, тауар белгісі құқығына қатысты шағым кері қайтарылып алынса немесе апелляцияңыз мақұлданса, ескертуді алып тастай аламыз.
Контентіңіз тауар белгісі құқығын бұзбауы үшін не істеу керек?
Белгіні өнім немесе қызмет үшін, әсіресе коммерциялық мақсатта пайдаланбас бұрын, оның иесінен рұқсат алуыңыз қажет. Тауар белгісін пайдаланған кезде басқа пайдаланушыларды тауардың немесе қызметтің ресми көзі бойынша жаңылыстыратындай пайдаланбауыңыз керек.
Брендке арналған шолу, пародия немесе фан-парақ жасау кезінде тауар белгісін пайдалансаңыз, оны профильде немесе контентте нақты көрсеткен жөн. Бірақ бұл әлі де контенттің тауар белгісі құқығын бұзғаны үшін жойылмайтынына кепілдік бермейтінін есте сақтаңыз.
Ережені білмеу сізді тауар белгісі құқығын бұзу жауапкершілігінен босатпайтынын есте сақтаңыз.
Контрафактілік әрекет дегеніміз не?
Контрафактілік әрекет — тіркелген тауар белгісімен бірдей немесе оған өте ұқсайтын таңбаны оның иесінің рұқсатынсыз пайдалана отырып, көбінесе сапасыз тауарларды заңсыз дайындау, импорттау, экспорттау, тарату, сату және сол сияқты басқа да коммерциялық әрекеттер.
Қандай тауар түрлері контрафактілік болуы мүмкін?
Контрафактілік өнімдер әртүрлі салаларда кездеседі. Бұл киім, аксессуар, музыка, бағдарламалық жасақтама, есірткі, темекі, алкоголь, автомобиль және ұшақ бөлшектері, күнделікті тауарлар, ойыншықтар, электроникалық тауарлар және т.б. болуы мүмкін. Контрафактілік өнімдер көбінесе жоғарғы сапа саласына қатысты болады.
Контрафактілік өнімдер несімен зиянды?
Контрафактілік тауарларды сату келесі себептерге байланысты зиянды болуы ықтимал.
• Қоғамдық қауіпсіздікке қатер төндіру: контрафактілік өнімдер көбінесе зиянды немесе қауіпті болуы мүмкін сапасыз компоненттерден жасалады. Бұған қауіпсіздік стандарттарына сәйкес келмейтін жабдықтар және құрамында аллергендер немесе зиянды заттары бар косметика кіреді.
• Бизнестегі кірістің жоғалуы: бренд иелері өнім әзірлеуге, дизайнға және маркетингке қомақты ресурстарды салады. Контрафактілік өнім жасаушылар мұндай салымдардың нәтижелерін төмен бағалы өнім көшірмелерін заңсыз түрде ұсынып, тұтынушыларды нағыз бренд иелерінен заңсыз жолмен алыстатып, сапалы өнімдердің сатылымын азайтады.
• Ұйымдасқан қылмысты қолдау: контрафактілік өнімдерді сатудан түскен қаражат терроризмді, есірткі саудасын, адам саудасын және балаларды қанауды қоса алғанда, ұйымдасқан қылмысты қаржыландыруға жұмсалатыны белгілі.
Контрафактілік өнімдерге заңмен тыйым салынған ба?
Контрафактілік өнімдер заңсыз болып табылады. Көптеген юрисдикцияларда ол үшін қатаң қылмыстық жаза қолданылады.
TikTok-та контрафактілік өнімдерді сатып алуға, сатуға, саудалауға немесе ұсынуға тыйым салынады. Контрафактілік өнімді насихаттайтын қандай да бір контентті байқасаңыз, Сауда белгісі құқығын бұзу туралы шағымдану формасында оны контрафактілік әрекет деп көрсету арқылы ол контентке шағымдануыңыз керек. Біз Зияткерлік меншік саясатымызды бұзатын контентті дереу жоямыз.
TikTok-та контрафактіден қалай аулақ болуға болады?
Контрафактілік тауарларды сатып алуға, сатуға, саудалауға немесе ұсынуға арналған контентті жарияламаңыз, жүктеп салмаңыз, таратпаңыз немесе бөліспеңіз. Бұған қоса, мұндай өнімдерді көрсетпеу, оларға сілтеме жасамау немесе басқадай жолмен жарнамаламау керек. Мысалы, пайдаланушылар контрафактілік өнімдерді қораптан шығарып жатқан бейнелерді немесе олар туралы шолуларды жарияласа, олардың контенті Қауымдастық ережелерін бұзғаны үшін жойылуы мүмкін.
Белгілі бір өнімнің контрафактілік өнім емес екеніне сенімді болмасаңыз, келесі сипаттарға назар аударыңыз:
• Бағасы: контрафактілік тауарлар әдетте түпнұсқа өнімдерден әлдеқайда арзан болады.
• Қаптамасы: контрафактілік өнімдер көбінесе қапталмаған немесе сапасыз немесе жазулары қате жазылған қаптамада сатылады.
• Орны: контрафактілік өнімдер әдетте ресми брендтің және уәкілетті дилерлерінің веб-сайттары арқылы емес, интернет дүкендерде сатылады. Өнім сипаттамасында, жиі қойылатын сұрақтарға берілген жауаптар бөлімінде, байланыс деректерінде және басқа ақпараттарда емле мен грамматика қателері бар-жоғын тексеру пайдалы.