TikTokBoʻlimga kirish
TikTok hisoblari turlari • Biznes hisobiga almashish • Umumiy funksiyalar
TikTok hisoblari turlari
TikTokda shaxsiy hisob yoki biznes hisobini tanlashingiz mumkin. Ijodkorlar hamjamiyatiga oʻz fikrlarini ifoda etish va auditoriyasi bilan muloqot qilishning koʻproq usullarini topishga yordam berish maqsadida shaxsiy hisoblarimiz uchun yana boshqa funksiyalarni yaratmoqdamiz. Shuningdek, biz biznes hamjamiyatimizga TikTokni umumiy biznes strategiyasining bir qismiga aylantirishga yordam berish uchun yana boshqa tijorat funksiyalarini yaratmoqdamiz.
Biznes hisoblari
Biznes hisoblari – bu brendlar va korxonalarga TikTokda yaxlit marketing strategiyasini yaratish uchun marketing vositalarimizdan foydalanish imkonini beruvchi ommaviy profillardir. Ular quyidagilar uchun yaxshi tanlovdir:
• Mijozlarni koʻngilochar usulda jalb qiladigan bizneslar. Masalan, bizneslar TikTokda odamlar munosabatga kirishishi mumkin boʻlgan organik kontent yaratishi mumkin.
• Tijoriy yoʻnaltirilgan vositalarni qidirayotgan bizneslar. Biznes hisobi bilan kengaytirilgan biznes vositalariga (masalan: Business Creative Hub) kirishingiz mumkin. Bu sizga keng qamrovli marketing strategiyasini yaratishga yordam beradi.
TikTokdagi asosiy maqsadi oʻz biznesini (mahsulot yoki xizmatni) tanitish boʻlgan har bir kishi Biznes hisobidan foydalanishi kerak. TikTok For Business veb-saytida biznes hisoblari haqida batafsil maʼlumot oling.
Biznes hisobi yordamida foydalanishingiz mumkin boʻlgan ayrim narsalar:
• Veb Business Suite
༚ Kompyuteringizda mavjud boʻlgan Web Business Suite –biznes hisobingiz orqali siz ega boʻladigan qoʻshimcha funksiyalar uchun markaziy joydir. Bu funksiyalar Statistika, Workspace va Faoliyat va yordamni oʻz ichiga oladi.
༚ Statistika ruknidan hisobingiz haqidagi maʼlumotlarni topasiz. Statistika maʼlumotlarini yuklab olishingiz ham mumkin.
༚ Workspace tanituv maʼlumotlaringizni oʻz ichiga oladi. Tanituv – bu TikTok ilovasida foydalanishingiz mumkin boʻlgan reklama vositasi boʻlib, u sizga koʻproq odamlarning videolaringizni topishiga yordam beradi, koʻproq odamlarni veb-saytingizga yoʻnaltiradi va kuzatuvchilar orttirish imkoniyatingizni oshiradi. TikTokda tanituv haqida batafsil.
༚ Faoliyat va yordam rukni bisnes hisobingizni qanday rivojlantirishga oid kreativ gʻoyalar va maʼlumotlarni oʻz ichiga oladi.
• TikTok profilingizdagi email manzili
• Tijoriy musiqa kutubxonasi orqali ishlatishga ruxsat etilgan ovozlardan foydalanish imkoniyati
༚ Tijoriy musiqa kutubxonasi, yoki CML – bu tijoriy maqsadda foydalanish uchun oldindan ruxsat olingan 1 000 000 dan ortiq ashula va ovozlar termasidir. Kutubxonada biznes va brendlarga TikTok hamjamiyati bilan birga ijodkorlik va haqiqiylikni qabul qilish imkoniyatini beruvchi yangi va tajribali ijrochilarning taronalari taqdim etiladi. Vositalar va resurslarimiz orqali Tijoriy musiqa kutubxonasi brendlarga oʻz TikTok trendlarini mustaqil ravishda litsenziya olishning uzoq jarayonisiz yaratish imkonini beradi.
༚ Biznes hisoblari Umumiy musiqa kutubxonamizga kira olmaydi, chunki bu qoʻshiqlar tijoriy maqsadlarda foydalanish uchun tozalanmagan va faqat shaxsiy koʻngilochar maqsadlarda foydalanish uchun cheklangan.
• Ilova ichidagi Business Creative Hub
༚ Creative Hubʼda siz kontent strategiyasi, video olish hamda post va kontentni moderatsiya qilishning eng yaxshi vaqtlari kabi eng yaxshi amaliyotlar uchun Biznes kontent qoʻllanmasidan foydalanishingiz mumkin.
༚ Mamlakatingizda keyingi 30 kun ichida mashhur boʻlgan trenddagi kontentni aks ettiruvchi Video vitrinasidan ham foydalanishingiz mumkin.
Eslatma: Biznesdan Shaxsiy hisobga almashish va orqaga qaytarishni maslahat bermaymiz. Agar biznesingizni TikTokda tanitmoqchi boʻlsangiz va organik shaxsiy kontentni ham joylamoqchi boʻlsangiz, ushbu ikki faoliyatni alohida hisoblarda yuritishingizni tavsiya qilamiz.
Shaxsiy hisoblar
TikTokda aksariyat foydalanuvchilar shaxsiy hisoblarni ishatiladi. Bu turdagi hisob – umumiy TikTok foydalanuvchilari, kontent ijodkorlari va aksariyat jamoat arboblari uchun yaxshi tanlovdir.
Shaxsiy hisoblar sizga TikTokni turli yoʻllar bilan sinab koʻrish uchun moslashuvchanlik beradi. Ular quyidagilar uchun yaxshi tanlovdir:
• Boshqa odamlarning kontentini tomosha qilish va ular bilan muloqot qilish. Siz uchun tasmasidagi videolar bilan tanishish, tomosha qilishga yangi kontent topish uchun qidiruv vositasidan foydalanish, boshqa odamlarni kuzatish va sizni qiziqtirgan kontentni tomosha qilish uchun heshteglarni saralanganlarga kiritish kabi amallarni bajarishingiz mumkin.
• Boshqalar zavqlanishi uchun oʻz kontentingizni yaratish. Shaxsiy hisobingiz bilan ham kengaytirilgan ijodkorlik vositalariga kirishingiz mumkin. Bu vositalar siz yaratadigan kontent va auditoriyangiz nimalarni yoqtirishi haqida batafsil bilib olishga yordam beradi. Bu sizga ijodkor sifatida hamjamiyat yaratishga yordam beradi.
Shaxsiy hisobingiz bilan foydalanishingiz mumkin boʻlgan bir nechta imkoniyat:
• Koʻproq musiqa va ovozlar
༚ Shaxsiy hisob orqali ham Ovozlar, ham Tijoriy ovozlardan foydalanishingiz mumkin. Biznes hisoblari faqat bepul ovozlar kutubxonasi hisoblanuvchi Tijoriy ovozlarga kira oladi, ulardan kontentingiz uchun tijoriy maqsadlarda foydalanishingiz mumkin.
• Hisobingizga maxfiy hisobga oʻzgartirish
༚ Faqat siz tasdiqlagan foydalanuvchilar sizni kuzata olishi va videolaringizni tomosha qila olishi uchun hisobingizni maxfiy hisobga oʻzgartirishingiz mumkin.
• Video Hadyalar, Obuna yoki Series kabi monetizatsiya funksiyalaridan foydalanish huquqiga ega boʻlish.
• Monetizatsiya funksiyalaridagi ayrim funksiyalarga quyidagilar kiradi:
༚ TikTok Creator Marketplace
• TikTok Creator Marketplace – bu TikTokda brendlar va ijodkorlarni bir-bir bilan bogʻlovchi rasmiy hamkorlik platformasidir. Ijodkorlar Creator Marketplace orqali brendlar bilan pulli kompaniyalar boʻyicha hamkorlik qilishi mumkin.
• Ijodkorlar portali va Creator Marketplace veb-saytida Creator Marketplace haqida batafsil axborot oling.
༚ Ijodkorlar uchun mukofot dasturi
• Ijodkorlar uchun mukofot dasturi – bu ijodkorlarga videolarni monetizatsiya qilish uchun yaxshiroq naqd pul ragʻbatlarini taklif qiladigan monetizatsiya dasturidir.
Bisnes hisobiga almashish
Hisob turini almashtirish uchun:
1. TikTok ilovasida pastdagi Profil tugmasiga bosing.
2. Yuqoridagi Menyu ☰ tugmasini, keyin Sozlamalar va maxfiylik tugmasini tanlang.
3. Hisob tugmasini bosing.
4. Biznes hisobiga almashish bandini bosing keyin hisob turini almashish uchun taqdim etilgan koʻrsatmalarni bajaring.
Umumiy funksiyalar
Ikkala hisob turi ham videolarni yaratish va tanitishingizga yordam beruvchi fuknsiyalarga ega, masalan:
• TikTokda JONLI efirni boshlash
༚ JONLI efirni boshlash TikTokdagi odamlar uchun oʻz auditoriyasi bilan real vaqt rejimida muloqot qilish usulidir.
༚ Eslatma: JONLI efirni boshlay olish uchun yosh talablariga javob berishingiz va muayyan miqdordagi kuzatuvchilar ega boʻlishingiz kerak.
• Umumiy statistika
༚ Statistika videolaringiz qanchalik yaxshi natija qayd etayotganini koʻrsatadi. Videolaringizning umumiy statistikasini (videoni koʻrishlar soni, profilga tashriflar va kuzatuvchilar soni kabi), alohida videolar qanday natijaga erishayotganini koʻrishni tanlashingiz, shuningdek, auditoriyangizni qanday kontent faollikka undayotganini (vaqt oʻtishi bilan kuzatuvchilar, jami layklar, fikrlar va ulashishlar soni qanday oʻzgarayotgani kabi) bilib olishingiz mumkin.
Eslatma: Statistikani koʻrish uchun kamida bitta ommaviy video joylagan boʻlishingiz kerak.
༚ Statistika haqida Ijodkorlar portali yoki TikTok Darslar seriyasida batafsil maʼlumot oling.
• Tanituv
༚ Tanituv – bu TikTok ilovasida foydalanishingiz mumkin boʻlgan reklama vositasi boʻlib, u sizga koʻproq odamlarning videolaringizni topishiga yordam berishi, koʻproq odamlarni veb-saytingizga yoʻnaltirishi va kuzatuvchilar orttirish imkoniyatingizni oshirishi mumkin.
Tanituv va tanituv videosini qanday boshqarish haqida batafsil.
• Ijodkorlar portali
༚ Ijodkorlar portali – bu ijodkorlar TikTokda ish boshlash asoslari, auditoriya bilan aloqa oʻrnatish va videolar uchun eng yaxshi amaliyotlar kabi narsalar haqida batafsil maʼlumot oladigan joydir.
• Profilingizda veb-sayt havolasi
༚ Muayyan talablarga mos shaxsiy hisoblar va biznes hisoblari oʻz profiliga veb-sayt havolasini joylashi mumkin.
Ijodkorlik vositalari va ularni qanday sozlash haqida batafsil.