TikTokБөлімге өту
Авторлар марапаттары бағдарламасы дегеніміз не?• Авторлар марапаттары бағдарламасы қалай жұмыс істейді?• Авторлар марапаттары бағдарламасына кімдер қосыла алады?• Бейнеге қойылатын талаптар қандай?• Қандай контент түпнұсқа болып есептеледі?• Талаптарға сай көрілімдер деген не?• Марапаттар қалай есептеледі?• Авторлар марапаттары бағдарламасына қосылу жолы • Бейнені тексеру процесі қалай жүзеге асырылады?• Бейне жарамсыз болса, апелляция жіберу жолы
Авторлар марапаттары бағдарламасы дегеніміз не?
Авторлар марапаттары бағдарламасы – бұл авторлардың шығармашылық қабілетін арттыруға және оларға жоғары сапалы түпнұсқа контент жариялау арқылы жоғары табыс табуға көмектесу үшін жасалған марапаттар бағдарламасы.
Авторлар марапаттары бағдарламасы қалай жұмыс істейді?
Авторлар марапаттары бағдарламасы талаптарға сай авторларды бағдарламаға қойылатын талаптарға сәйкес келетін бейнелердің көрсеткіштері негізінде марапаттайды.Марапаттар талаптарға сай көрілімдер мен талаптарға сай әр 1000 көрілім (RPM ретінде де белгілі) үшін марапаттар негізінде есептеледі.Авторлар бағдарламаға қосылған кезде көбірек марапат жинайды және олардың бейнелерінің көрсеткіштері жоғары болып қалады.Стандартты марапат пен қосымша марапат қалай есептелетіні туралы толығырақ ақпарат алыңыз.
Авторлар марапаттары бағдарламасына кімдер қосыла алады?
Авторлар марапаттары бағдарламасына қосылу және марапаттар жинау үшін авторлар мынадай шарттарға сай болуы керек:
• Авторлар марапаттары бағдарламасы бар елдердің бірінде тұруы керек;
• тиісті құқықтық мәртебесі бар, соның ішінде Қауымдастық ережелеріміз бен Қызмет көрсету шарттарымызды қайталап немесе жауапсыз бұзу жағдайлары болмаған, сондай-ақ зиянды немесе алаяқтық іс-әрекеттерге қатысты болмаған TikTok аккаунты болуы керек;
• жеке аккаунты болуы керек;Бизнес аккаунттар және саяси немесе үкіметтік ұйымдарға тиесілі аккаунттар жарамсыз;
• кемінде 18 жасқа (немесе Оңтүстік Кореяда 19 жасқа) толған болуы керек;
• кемінде 10 000 жазылушысы болуы керек;
• соңғы 30 күнде кемінде 100 000 бейне көрілімін жинауы керек;
• марапаттар алуға жарамды түпнұсқа контентті жариялауы керек;
• кемінде бір минуттық бейнелерді жариялауы керек.
Авторлар қабылданғаннан кейін, Авторлар марапаттары бағдарламасы бойынша мынадай талаптарға да сай болуы керек:
• жалған бейне көрілімдерін алу немесе жазылушы санын көбейту сияқты арам ниетті немесе алаяқтық әрекеттерге қатысы болмауы керек;
• қуаныш пен шығармашылыққа шабыт беретін миссиямызға сәйкес келетін түпнұсқа және шынайы контентті жариялауы керек;
• бағдарламаға, марапаттау жүйесіне немесе ұсыныс жүйесіне араласпауы не араласуға тырыспауы керек;
• жасанды түрде тіркеу, жариялау немесе лайктарды, жазылушылар санын, көру санын, пікірлерді, бөлісу санын және т.б. көбейту үшін зиянды бағдарламалық жасақтама жасамауы немесе кодты өзгертпеуі керек;
• бағдарламаға байланысты жалған мәлімдемелер немесе кемсітетін контент жасамауы не кез келген кемсітетін мінез-құлықпен, заңсыз немесе қылмыстық әрекеттермен (соның ішінде алаяқтықпен) айналыспауы керек.
Аккаунттың жоғарыда аталған кез келген шартты бұзғаны анықталса, сізге хабарландыру жіберіледі және бұзу жағдайының ауырлығына байланысты, аккаунт Авторлар марапаттары бағдарламасынан біржола немесе уақытша жойылады.
Бейнеге қойылатын талаптар қандай?
Авторлар марапаттары бағдарламасы бойынша марапаттар алу үшін бейнелер мынадай талаптарға сай болуы керек:
• толықтай өзіңіз түсірген, таңдаған және жасаған түпнұсқа әрі жоғары сапалы контент болуы керек;
• кемінде бір минуттық болуы керек;
• Авторлар марапаттары бағдарламасына қосылғаннан кейін жүктеп салынуы керек:
• талаптарға сай «Ұсыныстар» лентасында кемінде 1000 көрілім болуы керек;
༚ бір аккаунттағы бейне көрілімдері бір бейне үшін тек бір рет есептеледі;
༚ бейне көрілімдері 5 секундтан ұзақ болуы керек;
༚ қызығушылық танытпағаны туралы кері байланыс білдірген адамдардың бейне көрілімдері есептелмейді;
• жарнамаларды, бұрмаланған ақпаратты немесе жаңылыстыратын ақпаратты, ақылы жарнамаларды, демеушілік мазмұнды немесе серияларға байланысты бейнелерді қосуға болмайды;
• Қауымдастық ережелерімізді, Қызмет көрсету шарттарымызды және Авторлық құқық саясатымызды ұстаныңыз.
Қандай контент түпнұсқа болып есептеледі?
Авторлар марапаттары бағдарламасы аясындағы түпнұсқа контент – тәжірибеңізді, дарыныңызды немесе шығармашылық қабілетіңізді көрсететін, сондай-ақ Қызмет көрсету шарттарымыз бен Қауымдастық ережелерімізге сәйкес өзіңіз таңдап, түсірген және жасаған сапалы контент.
Бағдарлама бойынша түпнұсқа болып есептелмейтін контентке мыналар кіреді, бірақ олармен ғана шектеліп қалмайды:
• дуэт немесе біріктірілген бейнелер;
• басқа пайдаланушылардан және олардың су белгілерімен толығымен көшірілген контент;
• тек кішігірім өзгерістермен (соның ішінде, жылдамдатылған не сүзгілері, бекітілген мәтіндері немесе стикерлері бар бейнелер) басқа пайдаланушылардан көшіріліп алынған контент;
• жаңа және жеке идеялары жоқ басқа адамдардан, авторлардан немесе дереккөздерден алынған әртүрлі бейнелерді немесе суреттерді қамтитын контент;
• қайталанатын бейнелерді, бір немесе бірнеше фотосуретті не тек мәтін қабаттасуларын қамтитын контент;
• бір минуттан ұзақ ойнатылатын ерін жыбырлатып тұратын немесе авторлық құқықпен қорғалған музыканы қамтитын контент.Бір минуттан ұзақ авторлық құқықпен қорғалған музыкасы бар бағдарламадағы бейнелердің дыбысы өшірілу қаупі бар.
Талаптарға сай көрілімдер деген не?
Талаптарға сай көрілімдер – бұл «Ұсыныстар» лентасы арқылы жиналатын бірегей бейне көрілімдері. Олардың құрамында алдап жиналған, ақылы түрде жиналған, дизлайк алған, 5 секундтан аз, жарнамаланған және жасанды көрілімдер болмайды.Табыс табуды бастау үшін «Ұсыныстар» лентасы арқылы бейнелердің көрілім саны 1000-ға жетуі керек.
Марапаттар қалай есептеледі?
«Ұсыныстар» лентасы арқылы көрілім саны 1000-ға жеткенде, жарамды бейнелер марапаттар жинай бастайды.Стандартты марапат талаптарға сай әр 1000 көрілім (сондай-ақ RPM ретінде белгілі) үшін талаптарға сай көрілімдер мен марапаттар негізінде есептеледі, ал қосымша марапат барынша жақсы түсірілген, қызықты және арнайы контент негізінде есептеледі.Авторлар марапаттары бағдарламасы бойынша марапаттар қалай есептелетіні туралы толығырақ ақпарат алыңыз.
Авторлар марапаттары бағдарламасына қосылу жолы
Кемінде 18 жасқа (немесе Оңтүстік Кореяда 19 жасқа) толған, рұқсат етілген аймақта тіркелген аккаунты бар және қатысу талаптарына сәйкес келетін авторлар TikTok қолданбасы арқылы Авторлар марапаттары бағдарламасына өтініш бере алады.
Авторлар марапаттары бағдарламасына өтініш беру үшін:
1. Экранның төменгі жағындағы «Профиль» түймесін түртіңіз.
2. Экранның жоғарғы жағындағы «Мәзір» ☰ түймесін түртіңіз, содан кейін «TikTok Studio» опциясын таңдаңыз.
3. «Авторлар марапаттары бағдарламасы» түймесін түртіңіз.Өтінішіңізді жібергеннен кейін шамамен 3 күн ішінде жауап аласыз.
Авторлар марапаттары бағдарламасына қосылу туралы мына нәрселерді білген жөн:
• жасқа байланысты құқық TikTok аккаунтын жасау кезінде енгізілген және/немесе Авторлар марапаттары бағдарламасына өтініш беру процесінде расталған туған күніңізге негізделген;
• егер Авторлар марапаттары бағдарламасына қабылданбасаңыз және оған қосылуға құқығым бар деп ойласаңыз, 30 күн ішінде апелляция беруге немесе апелляция мерзімінен кейін 30 күн өткенде қайта өтініш беруге болады.Аккаунтыңыз жақсы күйде болуы және Қауымдастық ережелеріміз бен Қызмет көрсету шарттарымызға сәйкес келуі керек.
Бейнені тексеру процесі қалай жүзеге асырылады?
Авторлар марапаттары бағдарламасы бойынша бейнелерді тексеріп, олардың марапат алуға жарамдылығын анықтаймыз.Барлық бейне жалаушасы мен шеттету шаралары бойынша хабарлама алғаннан кейін, 30 күн ішінде аппеляция беруге болады.Апелляциялар аккаунтыңызға әсер етпейтінін ескеріңіз.
Бейнеңіз тексеруден өтсе:
• марапаттар жинауға құқылы боласыз;
• болашақта шағым түссе немесе белгіленсе, бейнеңіз Қауымдастық ережелерін бұзғаны үшін жойылуы мүмкін.Жойылған бейнелер бойынша жиналған марапаттар теңгеріміңізден шегеріледі.
Бейнеңіз тексеруден өтпесе:
• мысалы, түпнұсқа емес немесе сапасы нашар контентке, қауіпті әрекеттерге, спамға не өтірік іс-әрекетке байланысты қауымдастық ережелерін бұзуы мүмкін;
• марапаттар жинауға құқығыңыз болмайды және себебін хабарлаймыз;
• қауымдастық ережелерімізге сәйкес келмесе, бейнені жоямыз;
• бейне бойынша бұрын жинақталған марапаттар теңгеріміңізден шегеріледі;
• сізге Авторлар марапаттары бағдарламасының басқару тақтасынан тікелей жоюға апелляция беру мүмкіндігі беріледі.Апелляция хабарлама алынған сәттен бастап 30 күн ішінде жіберілуі керек.
Бейнеңіз жарамсыз болған жағдайда апелляция жіберу жолы
Бейне Авторлар марапаттары бағдарламасы шеңберінде қате жойылды деп ойласаңыз, апелляция жібере аласыз.
Апелляция жіберу үшін:
1. TikTok қолданбасының төменгі жағындағы «Профиль» түймесін түртіңіз.
2. Экранның жоғарғы жағындағы «Мәзір» ☰ түймесін түртіңіз, содан кейін «TikTok Studio» опциясын таңдаңыз.
3. «Авторлар марапаттары бағдарламасы» түймесін түртіңіз.
4. Жарамсыз бейнені, содан кейін «Апелляция» түймесін түртіп, апелляция қадамдарын орындаңыз.Апелляция шамамен 3 күн қаралады және нәтижесі шыққан соң, сізге хабарлаймыз.
Сондай-ақ бейнеңізді жойған жағдайда сізге хабарлаймыз, осылайша кіріс жәшігіндегі осы хабарландыру арқылы апелляция бере аласыз.