TikTokBoʻlimga kirish
Ijodkorlar uchun mukofot dasturi nima? • Ijodkorlar uchun mukofot dasturi qanday ishlaydi? • Kimlar Ijodkorlar uchun mukofot dasturiga qoʻshilishi mumkin? • Video uchun talablar qanday? • Nima original kontent deb hisoblanadi? • Munosib tomoshalar nima? • Mukofotlar qanday hisoblanadi? • Ijodkorlar uchun mukofot dasturiga qanday qoʻshiladi • Videoni tekshirish jarayoni qanday ishlaydi? • Videongiz mos boʻlmasa, shikoyat qanday yuboriladi
Ijodkorlar uchun mukofot dasturi nima?
Ijodkorlar uchun mukofot dasturi – bu ijodkorlarning ijodiy koʻnikmalarini rivojlantirishga va yuqori sifatli asl kontent joylash orqali yuqori daromad olishga yordam berish uchun moʻljallangan mukofotlar dasturi.
Ijodkorlar uchun mukofot dasturi qanday ishlaydi?
Ijodkorlar uchun mukofot muvofiq ijodkorlarni ushbu dastur talablariga mos videolarning samaradorligi asosida mukofotlaydi. Mukofotlar har 1000 ta muvofiq tomoshalar soni (RPM ham deyiladi) uchun muvofiq tomoshalar daromadlari asosida hisoblanadi. Ijodkorlar dasturning bir qismi boʻlganida va videolari yaxshi unumdorlikka erishishishda davom etganida koʻproq mukofotlar jamlaydi.
Kimlar Ijodkorlar uchun mukofot dasturiga qoʻshilishi mumkin?
Ijodkorlar Ijodkorlar uchun mukofot dasturiga qoʻshilish va dastur doirasida mukofotlar olish uchun quyidagi talablarga javob berishi kerak:
• Ijodkorlar uchun mukofot dasturi mavjud boʻlgan mamlakatlardan birida boʻlishi.
• Yaxshi holatdagi, jumladan, Hamjamiyat qoidalari va Xizmat shartlarini qayta-qayta yoki masʼuliyatsiz tarzda buzish va yomon niyatli yoki firibgarlik faoliyati bilan shugʻullanish tarixi yoʻq boʻlgan TikTok hisobga ega boʻlish.
• Shaxsiy hisobga ega boʻlish. Biznes hisoblari va siyosiy yoki hukumat tashkilotlariga tegishli hisoblar mos kelmaydi.
• Kamida 18 yoshda (Janubiy Koreyada 19 yoshda) boʻlish.
• Kamida 10 000 kuzatuvchisi.
• Oxirgi 30 kunda kamida 100 000 Siz uchun tasmasi video tomoshasiga ega boʻlish.
• Mukofotlarga mos keluvchi original kontent joylash.
• Kamida bir daqiqa uzunlikdagi videolar joylash.
Ijodkorlar qabul qilinganidan keyin Ijodkorlar uchun mukofot dasturi doirasida quyidagi talablarga ham javob berishi kerak:
• Soxta video tomoshalarini olish yoki kuzatuvchilar sonini koʻpaytirish kabi zararli yoki firibgarlik harakatlari bilan shugʻullanmaslik.
• Ilhomlantiruvchi quvonch va ijodkorlik missiyamiz haqida gapiradigan original va haqiqiy kontentni joylaydi.
• Dastur, mukofot tizimi yoki tavsiyalar tizimini buzmaslik yoki buzishga urinmaslik kerak.
• Sunʼiy ravishda registratsiya qilish, post joylash yoki layklar, kuzatishlar, tomoshalar, fikrlar, ulashuvlar va boshqalarni koʻpaytirish uchun zararli dastur yaratmaslik yoki kodni oʻzgartirmaslik kerak.
• Dastur bilan bogʻliq yolgʻon bayonotlar, haqoratli kontent yoki har qanday haqoratli xatti-harakatlar, noqonuniy yoki jinoiy harakatlar (jumladan, firibgarlik) bilan shugʻullanmasligi kerak.
Agar hisobingiz yuqoridagilarning birortasini buzgani aniqlansa, sizga bildirishnoma yuboriladi va qoidabuzarlikning jiddiylik darajasiga qarab, hisobingiz Ijodkorlar uchun mukofot dasturidan butunlay yoki vaqtincha chiqarib tashlanadi.
Video uchun talablar qanday?
Ijodkorlar uchun mukofot dasturi doirasida mukofotlar toʻplash uchun videolar quyidagi talablarga javob berishi kerak:
• Toʻliqligicha oʻzingiz suratga olingan, dizayn qilingan va ishlab chiqilgan asl va yuqori sifatli kontent boʻlishi shart.
• Kamida bir daqiqa boʻlishi.
• Ijodkorlar uchun mukofot dasturiga qoʻshilgandan keyin yuklangan.
• Kamida 1000 ta malakali Siz uchun tasmasi tomoshalariga ega boʻlish.
༚ Bitta hisobdan amalga oshirilgan video tomoshalari bitta video uchun bitta hisoblanadi.
༚ Video tomoshalari 5 soniyadan uzunroq boʻlishi zarur.
༚ Oʻzlari qiziqmaydigan fikr-mulohaza yuborgan insonlardan video tomoshalari hisobga olinmaydi.
• Reklamalar, notoʻgʻri yoki chalg‘ituvchi ʼ maʼlumotlar, pulli promoaksiyalar, homiylik kontenti yoki Seriesga bogʻlangan videolarni kiritmang.
• Hamjamiyat qoidalari, Xizmat shartlari va Mualliflik huquqi siyosatiga mos kelishi.
Nima original kontent deb hisoblanadi?
Ijodkorlar uchun mukofot dasturida original kontent – tajriba, isteʼdod yoki ijodkorligingizni namoyish etadigan, siz loyihalagan, suratga olgan va ishlab chiqargan hamda Xizmat shartlari va Hamjamiyat qoidalariga rioya qiladigan sifatli kontentdir.
Bu dasturga koʻra, quyidagilar original hisoblanmaydi, lekin faqat shular bilan cheklanmaydi:
• Duet yoki Ulama videolar.
• Butunlay boshqalardan koʻchirilgan va boshqalarning shaffof belgisiga ega kontent.
• Faqat kichik oʻzgartirishlar, jumladan, tezlashtirilgan videolar, filtrlar, qoʻzgʻalmas matnlar yoki stikerlar yordamida qayta ishlangan kontent.
• Yangi va shaxsiy fikrga ega boʻlmagan, boshqa odamlar, ijodkorlar yoki manbalarning turli videolari yoki rasmlarini oʻz ichiga olgan kontent.
• Tinmay takrorlanuvchi videolar, bita yoki bir nechta surat yoki faqat matn overleylari mavjud boʻlgan kontent.
• Fonogramma bilan yozilgan yoki bir daqiqadan uzoqroq ijro qilinuvchi mualliflik huquqiga ega musiqa mavjud boʻlgan kontent. Bir daqiqadan koʻproq vaqt davomida mualliflik huquqi bilan himoyalangan musiqalarni oʻz ichiga olgan dastur doirasidagi videolar sukut qilinish xavfi ostida boʻladi.
Munosib tomoshalar nima?
Munosib tomoshalar Siz uchun tasmasidan unikal video tomoshalar boʻlib, firibgarlik, pulli tomoshalar, yoqtirilmagan tomoshalar, 5 soniyadan kamroq koʻrilgan tomoshalar, tanitilgan tomoshalar va sunʼiy tomoshalar bundan mustasno. Videolar daromad ishlashni boshlashi uchun 1000 ta Siz uchun tasmasi tomoshasiga yetishi kerak.
Mukofotlar qanday hisoblanadi?
Muvofiq videolar Siz uchun tasmasida muvofiq 1000 marta koʻrilganidan keyin mukofot olishni boshlaydi. Mukofotlar munosib tomoshalar va har 1000 ta munosib tomoshalar soni (RPM) uchun mukofotlar asosida hisoblanadi. Ijodkorlar uchun mukofot dasturida mukofotlar qanday hisoblanishi haqida batafsil.
Ijodkorlar uchun mukofot dasturiga qanday qoʻshiladi
Tegishli hududda registratsiya qilingan hisobga ega 18 yoshdan (yoki Janubiy Koreyada 19 yoshdan) katta va muvofiqlik talablariga javob beradigan ijodkorlar TikTok ilovasi orqali Ijodkorlar uchun mukofot dasturiga ariza berishi mumkin:
1. Quyi qismdagi Profil bandini bosing
2. Yuqoridagi Menyu ☰ tugmasini, keyin TikTok Studio tugmasini tanlang.
3. Ijodkorlar uchun mukofot dasturi bandini bosing. Arizangiz yuborilganidan keyin taxminan 3 kun ichida javob olasiz.
Ijodkorlar uchun mukofot dasturiga qoʻshilish haqida bilib qoʻyish kerak boʻlgan maʼlumotlar:
• Yoshning muvofiqligi TikTok hisobini yaratishda kiritganingiz va/yoki Ijodkorlar uchun mukofot dasturi uchun ariza berish jarayonida tasdiqlagan tugʻilgan kuningizga asoslanadi.
• Agar Ijodkorlar uchun mukofot dasturiga qabul qilinmasangiz va oʻzingizni qoʻshilish uchun muvofiq deb hisoblasangiz, 30 kun ichida shikoyat qilishingiz yoki 30 kunlik shikoyat muddatidan keyin qayta ariza berishingiz mumkin. Hisobingiz yaxshi holatda boʻlishi hamda Hamjamiyat qoidalari va Xizmat shartlariga muvofiq boʻlishi lozim.
Videoni tekshirish jarayoni qanday ishlaydi?
Biz ijodkor Ijodkorlar uchun mukofot dasturidagi videolarni tekshiramiz va ularning mukofot olish huquqiga ega yoki ega emasligi haqida qaror chiqaramiz. Barcha video belgilari va diskvalifikatsiyalar eslatma olinganidan keyin 30 kun ichida shikoyat qilinishi mumkin. Unutmang, shikoyatlar hisobingizga taʼsir qilmaydi.
Agar videongiz tekshiruvdan oʻtsa:
• Mukofot olish huquqiga ega boʻlasiz.
• Agar kelgusida videongiz haqida shikoyat yoki xabar qilinsa, u Hamjamiyat qoidalarini buzganlik uchun olib tashlanishi mumkin. Olib tashlangan videolardan jamlangan mukofotlar balansingizdan yechib olinadi.
Agar videongiz tekshiruvdan oʻtmasa:
• U asl boʻlmagan yoki sifatsiz kontent, xavfli faoliyat, spam yoki aldamchi xatti-harakatlar sababli Hamjamiyat qoidalarini buzishi mumkin.
• Mukofotlarni toʻplash huquqiga ega emassiz va uning sababi haqida sizga xabar beramiz.
• Agar videongiz Hamjamiyat qoidalarimizga mos kelmasa, uni olib tashlaymiz.
• Videodan yigʻilgan barcha mukofotlar balansingizdan ushlab qolinadi.
• Sizga olib tashlash ustidan toʻgʻridan-toʻgʻri Ijodkorlar uchun mukofot dasturi asboblar paneli orqali shikoyat qilish imkoniyati beriladi. Shikoyatlar eslatma olgandan keyin 30 kun ichida yuborilishi kerak.
Videongiz mos boʻlmasa, shikoyat qanday yuboriladi
Videongiz Ijodkorlar uchun mukofot dasturi doirasida xato sababli olib tashlangan deb hisoblasangiz, shikoyat yuborishingiz mumkin
Shikoyat yuborish uchun:
1. TikTok ilovasida quyi qismdagi Profil tugmasini bosing.
2. Yuqoridagi Menyu ☰ tugmasini, keyin TikTok Studio tugmasini tanlang.
3. Ijodkorlar uchun mukofot dasturi bandini bosing.
4. Mos video ustiga tegining, keyin Shikoyat qilish tugmasiga tegining va shikoyat qilish uchun quyidagilarni bajaring. Tekshirish taxminan 3 kunni oladi va uni yangilaganimizdan keyin sizga xabar beramiz.
Videongizni olib tashlasak ham, sizga xabar beramiz, shu sababli uning oʻrniga kiruvchi xabarlardagi ushbu bildirishnoma orqali shikoyat qilishingiz mumkin.