TikTokБөлімге өту
TikTok желісінде телефон нөмірінің пайдаланылу жолы • TikTok желісінде электрондық поштаңыздың пайдаланылу жолы • Екі сатылы верификацияны баптау жолы • TikTok желісінің аккаунтыңызды телефоныңыздағы байланыстарға ұсынып-ұсынбауын басқару жолы • TikTok желісінің телефоныңыздағы байланыстарды пайдаланып сізге аккаунттарды ұсынып-ұсынбауын басқару жолы
TikTok желісінде телефон нөмірінің пайдаланылу жолы
Аккаунтыңызға телефоныңыздың нөмірін қоссаңыз, TikTok желісін пайдаланудан алатын әсеріңіз жақсарады.
Мобильді телефоныңыздың нөмірін мына мақсаттармен пайдалануымыз мүмкін:
• TikTok аккаунтыңызға кіруіңізге көмектесеміз. Пайдаланушы атын, электрондық поштаны немесе TikTok аккаунтына кіру үшін пайдаланылған басқа кіру әдісін ұмытып қалсаңыз, аккаунтты қалпына келтіру экранында аккаунтыңызбен байланысты мобильді телефон нөмірін енгізу арқылы барлық кіру әдістерін көруіңізге болады. Құпиясөзді ұмытып қалсаңыз, мобильді телефоныңыздың нөмірі арқылы құпиясөзіңізді қайта орнатуыңызға болады.
• Аккаунтыңыздың қауіпсіздігін екі сатылы верификациямен күшейтеміз.
• Сізге таныс болуы мүмкін адамдармен сізді байланыстырамыз.
• Форма толтырған кезде мәліметтеріңізді автоматты түрде толтырамыз.
• Жарнама сапасын өзіңіз және басқалар үшін жақсартамыз. TikTok желісінде жарнаманы көрген соң, бір өнімді сатып алған кезіңіз сияқты сіздің байланыс ақпаратыңыз пен жарнама, өлшем және дерек бойынша серіктестерімізден алатын ақпаратты салыстыра аламыз. Осылайша, параметрлеріңізге сәйкес, сізге TikTok сыртындағы әрекеттерге сай персоналды жарнамаларды көрсетуге, сондай-ақ TikTok қауымдастығындағы әр пайдаланушы үшін жарнама қызметтерімізді жақсартуға мүмкіндік аламыз. TikTok қауіпсіздік орталығында Жарнамалар мен сіздің деректеріңіз туралы қосымша ақпарат алыңыз.
Ескеретін жағдай:
• мобильді телефоныңыздың нөмірі TikTok профиліңізде көрінбейді. Аккаунтқа кірудің балама әдісін қамтамасыз еткен кезіңізде, телефоныңыздың нөмірін кез келген уақытта өзгертуіңізге немесе алып тастауыңызға болады.
• Құпиялылық параметрлеріңізде аккаунтыңыздың басқа пайдаланушыларға ұсынылу, байланыстардың синхрондалу жолын, т.б. басқаруыңызға болады.
• Біз жеке мәліметтерді, соның ішінде мобильді телефоныңыздың нөмірін ешкімге сатпаймыз. TikTok желісінде телефон нөмірінің пайдаланылу жолы туралы қосымша ақпаратты Құпиялылық саясатымыздан қараңыз.
TikTok желісінде электрондық поштаңыздың пайдаланылу жолы
Аккаунтыңызға электрондық поштаңызды қоссаңыз, TikTok желісін пайдаланудан алатын әсеріңіз жақсарады.
Электрондық поштаңызды мына мақсаттармен пайдалануымыз мүмкін:
• аккаунтқа кіруіңізге көмектесеміз. Пайдаланушы атын, телефон нөмірін немесе TikTok аккаунтына кіру үшін пайдаланылған басқа кіру әдісін ұмытып қалсаңыз, аккаунтты қалпына келтіру бетінде аккаунтыңызбен байланысты электрондық поштаны енгізу арқылы барлық кіру әдістерін көруіңізге болады. Құпиясөзді ұмытып қалсаңыз, электрондық поштаңызды пайдаланып құпиясөзіңізді қайта орнатуыңызға болады.
• Аккаунтыңыздың қауіпсіздігін екі сатылы верификациямен күшейтеміз.
• Сізге таныс болуы мүмкін адамдармен сізді байланыстырамыз.
• Жарнама сапасын өзіңіз және басқалар үшін жақсартамыз. TikTok желісінде жарнаманы көрген соң, бір өнімді сатып алған кезіңіз сияқты сіздің байланыс ақпаратыңыз пен жарнама, өлшем және дерек бойынша серіктестерімізден алатын ақпаратты салыстыра аламыз. Осылайша, параметрлеріңізге сәйкес, сізге TikTok сыртындағы әрекеттерге сай персоналды жарнамаларды көрсетуге, сондай-ақ TikTok қауымдастығындағы әр пайдаланушы үшін жарнама қызметтерімізді жақсартуға мүмкіндік аламыз. TikTok қауіпсіздік орталығында Жарнамалар мен сіздің деректеріңіз туралы қосымша ақпарат алыңыз.
• Сізге трендтегі контентті, ақпараттық хаттарды, акцияларды, ұсыныстарды және аккаунт жаңартуларын жібереміз.
• Еліңізде TikTok дүкені бар болса, сізге тапсырыс жаңартуларын, логистика жаңартуларын және қайтарылған ақша статусы туралы ақпаратты жібереміз.
Ескеретін жағдай:
• электрондық поштаңыз TikTok профиліңізде көрінбейді. Аккаунтқа кірудің балама әдісін қамтамасыз еткен кезіңізде, электрондық поштаңызды кез келген уақытта өзгертуіңізге немесе алып тастауыңызға болады.
• Facebook желісіндегі достарды синхрондау опциясын таңдасаңыз, электрондық поштаңызды алуымыз мүмкін.
• Біз жеке мәліметтерді, соның ішінде электрондық поштаңызды ешкімге сатпаймыз. TikTok желісінде электрондық поштаңыздың пайдаланылу жолы туралы қосымша ақпаратты Құпиялылық саясатымыздан қараңыз.
Екі сатылы верификацияны баптау жолы
Екі сатылы верификацияны (2SV) телефоныңыздың нөмірі арқылы баптауыңызға болады. Аккаунттың қосымша қорғанысы үшін 2SV қосып қойған жөн. Осы жалпы аккаунт қауіпсіздігін қамтамасыз ететін мүмкіндік қосымша қорғаныс деңгейін ұсынып, таныс емес құрылғыдан кірген кезіңізде сіздің жеке басыңызды растауға мүмкіндік береді. Сонымен қатар 2SV құпиясөзіңіз біреудің қолына түскен жағдайда аккаунтыңызды қорғаудың қосымша деңгейін қамтамасыз етеді. Адамдардың көбі аккаунттарын бір деңгеймен (құпиясөзбен) ғана қорғайды, бірақ 2SV іске қоссаңыз, құпиясөзіңізді білетін адамдар аккаунтыңызға кіре алмайды, себебі олар телефоныңызға немесе электрондық поштаңызға қол жеткізуі де керек болады.
Екі сатылы верификацияны қосу үшін мына әрекеттерді орындаңыз:
1. Құрылғыңызға TikTok қолданбасының соңғы нұсқасы орнатылғанын тексеріңіз.
2. Экранның төменгі жағындағы Профиль опциясын басыңыз.
3. Жоғарғы жақтағы Мәзір опциясын басыңыз.
4. Параметрлер және құпиялылық опциясын басыңыз.
5. Қауіпсіздік опциясын басыңыз.
6. Екі сатылы верификация опциясын түртіп, кемінде екі верификация әдісін таңдаңыз:
༚ SMS (осыны пайдаланған жөн)
༚ Электрондық пошта (осыны пайдаланған жөн)
༚ Аутентификатор қолданбасы (осыны пайдаланған жөн). Бұл опцияны пайдалану үшін, құрылғыңызға Google Authenticator немесе Microsoft Authenticator сияқты аутентификатор қолданбасы орнатылған болуы керек. Келесі экрандағы нұсқауларды орындап QR-кодты сканерлеңіз немесе берілген кілтті көшіріп алыңыз. TikTok желісінде аккаунт қосқан кезде, аутентификатор қолданбасында кілт енгізіңіз. Соңында TikTok қолданбасындағы келесі экранда аутентификатор қолданбасынан көшіріп алған кодыңызды енгізіңіз.
༚ Құпиясөз
7. Қосу опциясын түртіп растаңыз.
8. SMS немесе Электрондық пошта опциясын таңдасаңыз:
༚ Бұрын байланыс ақпаратыңызды жазбаған болсаңыз, электрондық поштаңыздың адресі мен телефоныңыздың нөмірін енгізуіңіз сұралады. Стандартты SMS ақылары алынуы мүмкін.
༚ Код жіберу опциясын түртіп, келесі экранда SMS және электрондық пошта арқылы жіберілген тексеру кодын енгізіңіз.
Келесі жолы аккаунтыңызға кірген кезіңізде, таңдаған тексеру әдістеріңізге қарай, телефон нөмірі немесе электрондық пошта арқылы жіберілген, не болмаса аутентификатор қолданбасынан алуға болатын тексеру кодын енгізуіңіз сұралады. Жеке басыңызды растау үшін экраныңыздағы екі сатылы верификация терезесіне кодты енгізіңіз.
TikTok желісінің аккаунтыңызды телефоныңыздағы байланыстарға ұсынып-ұсынбауын басқару жолы
Мына жағдайларда, аккаунтыңыз TikTok желісіндегі басқа адамдарға ұсынылуы мүмкін:
• TikTok аккаунтыңызға телефоныңыздың нөмірін қостыңыз.
• Аккаунтыңызды басқа адамдарға ұсыну құпиялылық параметрінде Байланыстар опциясын қостыңыз.
• Аккаунтыңыз туралы ұсынысты алатын адам телефонындағы байланыстарды TikTok платформасымен синхрондауды таңдаған және сіздің телефоныңыздың нөмірі оның байланыстарында бар. Аккаунтыңызды басқа адамдарға ұсыну үшін телефон нөміріңіздің пайдаланылу жолы туралы қосымша ақпарат алыңыз.
Байланыстар параметрін қарап шығу және өзгерту үшін мына әрекеттерді орындаңыз:
1. TikTok қолданбасының төменгі жағындағы Профиль опциясын басыңыз.
2. Жоғарғы жақтағы Мәзір түймесін басыңыз.
3. Параметрлер және құпиялылық опциясын басыңыз.
4. Құпиялылық опциясын, содан кейін Аккаунтыңызды басқа адамдарға ұсыну опциясын басыңыз.
5. Контактілер параметрін қосыңыз немесе өшіріңіз.
TikTok желісінің телефоныңыздағы байланыстарды пайдаланып сізге аккаунттарды ұсынып-ұсынбауын басқару жолы
Телефоныңыздың нөмірін қосқан болсаңыз және телефоныңыздағы байланыстар синхрондалған болса, сізге таныс адамдарды табуға және олардың жаңалықтарына жазылуға көмектесе аламыз. Синхрондауды кез келген уақытта тоқтатып, бұрын синхрондалған деректердің барлығын TikTok желісінен жоюыңызға болады.
Байланыстарды синхрондау параметрін қарап шығу және өзгерту үшін мына әрекеттерді орындаңыз:
1. TikTok қолданбасының төменгі жағындағы Профиль опциясын басыңыз.
2. Жоғарғы жақтағы Мәзір түймесін басыңыз.
3. Параметрлер және құпиялылық опциясын басыңыз.
4. Құпиялылық опциясын, содан кейін Контактілер мен Facebook желісіндегі достарды синхрондау опциясын басыңыз.
5. Байканыстарды синхрондау параметрін қосыңыз немесе өшіріңіз. Бұрын синхрондалған деректерді жоюға да болады.