TikTokБөлімге өту
TikTok-тағы тікелей эфир сыйлықтары деген не? • Тікелей эфир сыйлықтарын алу үшін қандай талаптарға сай болу керек? • Тікелей эфир сыйлықтарын қалай басқаруға болады
TikTok-тағы тікелей эфир сыйлықтары деген не?
Тікелей эфир сыйлықтары — бұл көрермендерге виртуалды сыйлықтарды жіберу арқылы авторлардың тікелей эфир трансляцияларымен өзара әрекеттесуге мүмкіндік беретін функция. Тікелей эфир сыйлықтары мүмкіндігін қосып, эфирге шыққаннан кейін, көрермендеріңіз тікелей эфирге қатысып, өздерін көрсету үшін виртуалды сыйлықтар жібере алады. Көрермендер тікелей эфир сыйлықтары арқылы контентіңізді танымал ете алады.
TikTok автордың танымалдылығын және платформамызға қосқан үлесін көрсету үшін алмаздарды пайдаланады. Тікелей эфир контентіңіздің танымалдылығына немесе науқандарда не миссияларда жеңіске жетуіңізге қарай сізге алмаздар беріледі. Автор жинайтын алмаздар саны — Марапаттар саясатымызға сәйкес тікелей эфирдегі жалпы марапаттарды анықтау кезінде ескерілетін бірнеше фактордың бірі. Эфир соңында жиналған алмаздардың жалпы саны тікелей эфир қорытындысында көрсетіледі.
Ескертпе: алмаздарды жинау Виртуалды заттар саясатына сәйкес жүзеге асырылады.
Тікелей эфир сыйлықтарын алу үшін қандай талаптарға сай болу керек?
Тікелей эфир сыйлықтары мүмкіндігін қосу үшін келесі талаптарға сай болуыңыз керек:
• Тікелей эфир сыйлықтары мүмкіндігі қолжетімді аймақта тұруыңыз керек.
• 18 жасқа (немесе Оңтүстік Кореяда 19 жасқа) толған болуыңыз керек.
• Эфирге шығу талаптарына сай келуіңіз керек.
• Қауымдастық ережелерімізді және Қызмет көрсету шарттарымызды сақтайтын, жақсы беделге ие аккаунтыңыз болуы керек.
Ескертпе: мемлекеттік қызметкерлер, саясаткерлер және саяси партия аккаунттары мен басқа да қоғамдық мүддеге қызмет ететін аккаунттар тікелей эфир сыйлықтары арқылы алмаздарды жинауға құқылы емес.
Эфир сыйлықтарын қалай басқаруға болады
Эфир сыйлықтары мүмкіндігін қосу немесе өшіру үшін:
1. «Тікелей эфир» экранында «Параметрлер» түймесін түртіңіз.
2. «Тікелей эфир сыйлықтары» параметрін қосыңыз немесе өшіріңіз.
3. «Тікелей эфир» экранында қосымша өзгерістерді енгізіп, аяқтау үшін «Эфирге шығу» түймесін түртіңіз.