TikTokFara í kafla
Hvað er höfundarréttur? • Hvernig á að fá höfundarréttarvernd • Geturðu birt höfundarréttarvarið efni annarrar manneskju á TikTok án leyfis viðkomandi? • Hvað á að gera ef höfundarréttur þinn hefur verið brotinn á TikTok • Hvað gerist eftir að krafa um brot á höfundarrétti hefur verið lögð fram til TikTok? • Hvað á að gera ef efnið þitt hefur verið ranglega fjarlægt vegna brots á höfundarrétti • Gefur TikTok refsistig vegna endurtekinna höfundarréttarbrota? • Hvernig á að forðast að efnið þitt sé fjarlægt vegna höfundarréttarbrota
Hvað er höfundarréttur?
Höfundarréttur eru lögvarin réttindi sem vernda upprunaleg höfundarverk, svo sem myndbönd og tónlist. Höfundarréttur verndar upprunalega tjáningu hugmyndar (til dæmis hvernig myndband eða tónlist er tjáð eða búin til) en verndar ekki undirliggjandi hugmyndir eða staðreyndir.
Hvernig á að fá höfundarréttarvernd
Ef þú býrð til upprunalegt verk færðu yfirleitt sjálfkrafa höfundarréttarvernd.
Vernd höfundarréttar nær aðeins til upprunalegrar tjáningar. Það nær ekki til hugmynda, verklagsreglna, starfsaðferða eða stærðfræðilegra hugtaka. Til dæmis getur einstaklingur átt höfundarrétt að kvikmynd, en ekki söguþræði eða þemum sem koma fram í myndinni.
Almennt er ekki gerð krafa um að verk sé skráð til að það öðlist höfundarréttarvernd, þótt slíkt geti auðveldað lausn deilumála í vissum lögsagnarumdæmum.
Geturðu birt höfundarréttarvarið efni annars einstaklings á TikTok án hans leyfis?
Þjónustuskilmálar okkar og Viðmiðunarreglur fyrir samfélagið leyfa ekki birtingu, deilingu eða sendingu efnis sem brýtur gegn höfundarrétti, vörumerkjum eða öðrum hugverkaréttindum annars aðila. Þetta felur í sér notkun höfundarréttarvarins efnis annars einstaklings án viðeigandi leyfis eða lagalega gildra ástæðna.
Undir vissum kringumstæðum getur verið að þú hafir lagalega heimild til að nota höfundarréttarvarið efni annars aðila án leyfis viðkomandi. Undir slíkt fellur til dæmis sanngjörn notkun og undantekningar frá höfundarrétti eins og tilvitnanir, gagnrýni og/eða umsögn um höfundarréttarvarið efni.
Hvað á að gera ef höfundarréttur þinn hefur verið brotinn á TikTok
Ef þú telur að annar notandi hafi brotið gegn höfundarrétti þínum á TikTok geturðu haft beint samband við notandann til að leysa málið. Að öðrum kosti geturðu lagt fram tilkynningu um brot á höfundarrétti til að biðja um að meint brotlegt efni verði fjarlægt af TikTok.
Til að tilkynna brot á hugverkarétti á TikTok skaltu:
1. Pikka á hnappinn Deila í TikTok appinu við hlið myndbandsins sem þú vilt tilkynna.
2. Pikka á Tilkynna.
3. Pikka á Brot á hugverkarétti.
Pikka á Tilkynning um brot á höfundarrétti og fylgja leiðbeiningunum sem gefnar eru upp.
Þú getur líka notað vefeyðublaðið okkar til að tilkynna brot á hugverkarétti á TikTok.
Hafðu eftirfarandi í huga:
• Þú þarft að veita allar nauðsynlegar og nákvæmar upplýsingar í sendingunni þinni, annars gæti kvörtun þinni verið hafnað.
• Þú verður að vera eigandi verksins sem brotið hefur verið á, eða réttbær fulltrúi, til að senda tilkynningu um brot á höfundarrétti. Tryggðu að fylgigögn sem auðkenna þig sem eiganda eða réttbæran fulltrúa séu innifalin í tilkynningunni.
Ef þú sendir viljandi villandi eða sviksamlega tilkynningu getur það leitt til skaðabótaábyrgðar samkvæmt lögum í viðeigandi löndum.
Til að tilkynna höfundarréttarbrot í auglýsingum geturðu haft samband við okkur í gegnum vefeyðublaðið okkar.
Til að tilkynna höfundarréttarbrot í TikTok versluninni geturðu haft samband við okkur í gegnum vefeyðublaðið okkar.
Hvað gerist eftir að krafa um höfundarréttarbrot hefur verið lögð fram til TikTok?
Allar kröfur um höfundarréttarbrot verða yfirfarnar af sérfræðingum í hugverkarétti hjá okkur. Við metum hvort tilkynningin inniheldur allar nauðsynlegar upplýsingar til að við getum rannsakað kröfurnar og hafi verið lögð fram af eiganda höfundarréttar eða réttbærum fulltrúa viðkomandi. Við gætum leitað til þín til að veita upplýsingar sem vantar. Við mælum með að bregðast skjótt við til að lágmarka tafir.
Ef við teljum að um sé að ræða brot á Hugverkastefnu okkar munum við fjarlægja efnið af verkvangnum. Við látum bæði tilkynnanda og tilkynnta manneskju vita af aðgerðunum sem gripið hefur verið til.
Hvað á að gera ef að efnið þitt hefur ranglega verið fjarlægt vegna höfundarréttarbrots
Þú færð tilkynningu í appinu ef efnið þitt hefur verið fjarlægt vegna höfundarréttarbrota. Ef þú telur að efnið þitt hafi verið ranglega fjarlægt vegna þess að þú hefur heimild til að nota höfundarréttarvarið efni eða þú telur þig hafa rétt til að nota efnið geturðu sent inn áfrýjun í TikTok appinu. Þú getur líka sent áfrýjun í gegnum andmælaformið okkar. Þú þarft að veita allar nauðsynlegar upplýsingar, þar á meðal tengiliðaupplýsingar þínar og öll sönnunargögn til að styðja kröfuna, annars gæti áfrýjun þinni verið hafnað.
Eftirfarandi áfrýjunarástæður, án gildra sönnunargagna, eru almennt ekki samþykktar:
• Aðeins lítill hluti verksins var afritaður en ekki allt verkið.
• Aðrir notendur eru einnig að birta svipað efni.
• Þú segist ekki eiga höfundarrétt að efninu.
• Þú vissir ekki að þú mættir ekki birta efnið án leyfis.
• Birting efnisins er vernduð af réttinum til málfrelsis.
Ef áfrýjun þín er samþykkt munum við setja efnið þitt aftur inn.
Gefur TikTok refsistig fyrir endurtekin brot á höfundarrétti?
Já. Samkvæmt stefnu TikTok um endurtekin brot gefum við notendum refsistig ef efni þeirra var fjarlægt vegna brota gegn höfundarrétti. Mest er hægt að fá 3 refsistig fyrir hverja hugverkaréttartegund, síðan munum við fjarlægja reikninginn varanlega. Við teljum refsistig vegna höfundarréttar- og vörumerkjabrota sérstaklega. Ef þú, til dæmis, færð 2 refsistig vegna brots á höfundarrétti og 2 refsistig fyrir vörumerkjabrot verður reikningurinn þinn ekki bannaður. En ef þú færð 3 refsistig vegna höfundarréttarbrota og eitt refsistig fyrir brot gegn vörumerki verður reikningurinn þinn bannaður.
Hafðu í huga að við áskiljum okkur rétt til að fjarlægja strax hvaða reikning sem er vegna brota gegn Viðmiðunarreglum fyrir samfélagið, óháð fjölda refsistiga.
Uppsöfnuð refsistig munu fyrnast hjá þér eftir 90 daga. Við gætum einnig fjarlægt brot ef tilkynning um höfundarréttarbrot er dregin til baka eða áfrýjun þín er samþykkt.
Hvernig á að forðast að efnið þitt verði fjarlægt vegna höfundarréttarbrota
Þú ættir aðeins að birta upprunalegt efni á TikTok. Ef þú ætlar að nota efni sem tilheyrir einhverjum öðrum er ráðlegt fyrir þig að fá leyfi viðkomandi fyrirfram.
Undir vissum kringumstæðum getur verið að þú hafir heimild til að nota höfundarréttarvarið efni annars aðila án leyfis viðkomandi. Til dæmis ef efnið er almenningseign eða er leyft með öðrum hætti samkvæmt lögum.
Hafðu í huga að þekkingarskortur er ekki gild vörn gegn brotum á höfundarrétti.