TikTokBoʻlimga kirish
TikTokda tavsiya qilingan hisoblar nima? • TikTok sizga hisoblarni qanday tavsiya qiladi? • TikTok hisobingizni boshqalarga qanday tavsiya qiladi? • Tavsiya etilgan hisoblar sozlamasini yoqish yoki faolsizlantirish
TikTokda tavsiya qilingan hisoblar nima?
Tanishingiz mumkin boʻlgan odamlarni TikTokda topish va kuzatishingizga yordam berish uchun biz quyidagilarni bajarishimiz mumkin:
• Sizga boshqa hisoblarning videolarini koʻrsatish va profilingizdagi Doʻstlashish xususiyati orqali sizga hisoblarni tavsiya qilish.
• TikTokda boshqalar sizni kuzatishi uchun ularga hisobingizni tavsiya qilish.
TikTok sizga hisoblarni qanday tavsiya qiladi?
TikTok bilan ulashishni tanlagan maʼlumotlarga qarab biz sizga hisobni koʻrsatishimiz mumkin, chunki hisob quyidagiga tegishli:
• Hisobingizni boshqalarga taklif etish sozlamasida Kontaktlar bandini yoqqan, oʻz telefon raqami yoki email manzilini TikTok hisobiga kiritgan shaxs va telefon raqami yoki email manzili sizning telefon kontaktlaringizda boʻlgan va siz telefon kontaktlaringizni Kontaktlar va Facebook doʻstlarni sinxronlash sozlamasida tanlagan shaxs.
• Hisobingizni boshqalarga ulashish sozlamasida Kontaktlarga ega shaxs, telefon raqamingiz yoki email manzilingiz telefon kontaktlarida boʻlgan shaxs va Kontaktlar va Facebook tanishlarni sinxronlash sozlamasida telefon kontaktlarini sinxronlashni tanlagan shaxs va siz telefon raqamingiz yoki email manzilingizni TikTok hisobiga kiritgansiz.
• Hisobingizni boshqalarga tavsiya qilish sozlamasida Facebookdagi doʻstlar parametrini yoqqan va siz bilan Facebookda doʻstlashgan foydalanuvchi – agar ikkalangiz ham Facebookdagi doʻstlaringiz roʻyxatini Kontaktlar va Facebookdagi doʻstlarni sinxronlash sozlamasiga sinxronlagan boʻlsangiz.
• TikTok yoki Facebookda (ayrim hududlarda) siz bilan umumiy aloqaga ega foydalanuvchi. Quyidagi hollarda biror foydalanuvchi bilan umumiy aloqalarga ega boʻlishingiz mumkin: ikkalangiz ham bir xil hisoblarni kuzatsangiz, u allaqachon kuzatayotgan hisoblarni kuzatsangiz; u siz ham kuzatadigan hisoblarni va sizni javoban kuzatadigan hisoblarni kuzatsa; siz u kuzatadigan hisoblarga havolalarni ulashsangiz yoki ulardan olsangiz yoki siz Facebookdagi ayni hisoblarga ulangan boʻlsangiz.
• TikTokda sizni kuzatadigan foydalanuvchi.
Siz Maxfiylik sozlamasida Kontaktlar va Facebook tanishlarni sinxronlashni yoqish yoki oʻchirishingiz mumkin.
Quyidagilarni bilish muhim:
• Hatto dastlabki sinxronlashdan keyin ham sizga Facebookdagi doʻstlarni tavsiya qilishda davom etamiz. Vaqti-vaqti bilan Facebookdagi doʻstlaringiz roʻyxatini qayta sinxronlash shart emas.
• Agar Hisobingizni boshqalarga tavsiya qilish sozlamasida Kontaktlar parametrini yoqqan boʻlsangiz va telefon kontaktlaringizni sinxronlasangiz, hisobingiz boshqalarga tavsiya etilishi mumkin.
• Siz TikTokka ulashishni tanlaydigan axborotga qarab biz yuqoridagi munosabatlarning turli kombinatsiyasi asosida hisoblarni taklif qilishimiz mumkin.
• Agar qurilma sozlamalarida telefon kontaktlariga TikTok ruxsatini olib tashlasangiz yoki kontaktlarni sinxronlash sozlamasini faolsizlantirsangiz, biz ortiq kontaktlarni sinxronlamaymiz, lekin biz avval sinxronlangan kontaktlaringizdan hisoblarni taklif qilishda davom etamiz. Agar TikTokka sinxronlangan barcha telefon kontaktlaringizni oʻchirib tashlamoqchi boʻlsangiz va barcha qurilmalardagi kontaktlarni sinxronlashni toʻxtatmoqchi boʻlsangiz, Kontaktlar va Facebookdagi doʻstlarni sinxronlash sozlamasidan Avval sinxronlangan kontaktlarni olib tashlashingiz mumkin.
TikTok hisobingizni boshqalarga qanday tavsiya qiladi
TikTokka qanday maʼlumotlarni ulashish uchun ruxsat berganingizga qarab, hisobingizni quyidagilarga tavsiya qilishimiz mumkin:
• Kontaktlar
• Facebookdagi doʻstlar
• Havolalarni ochadigan yoki sizga yuboradigan odamlar
Bu sozlamalarni istalgan vaqtda maxfiylik sozlamalaringizdagi Hisobingizni boshqalarga taklif qilish ruknidan yoqish yoki faolsizlantirishingiz mumkin.
Quyidagilarni bilish muhim:
• Hatto bu sozlamalarning barchasi faolsizlantirilgan boʻlsa ham, hisobingiz TikTokda sizni kuzatadigan yoki siz bilan munosabatga kirishadigan foydalanuvchilarga tavsiya etilishi mumkin.
• Agar yoshingiz 13 dan 17 yoshgacha boʻlsa, hisobingiz umumiy tanishlarga taklif etilmaydi.
• Agar hisobingiz maxfiy boʻlsa va bu sozlamalar yoqilgan boʻlsa, biz boshqalarga hisobingizni kuzatishni taklif etamiz, ammo faqat siz tasdiqlagan odamlar sizni kuzatishi va videolaringizni tomosha qilishi mumkin boʻladi.
Kontaktlar
Hisobingizni boshqalarga tavsiya qilish sozlamasida Kontaktlar parametri yoniq boʻlsa, quyidagi hollarda hisobingiz TikTokda boshqalarga tavsiya etiladi:
• Telefon raqami yoki email manzilingizni TikTok hisobingizga kiritgan boʻlsangiz.
• Hisobingiz tavsiya etilayotgan shaxs oʻz telefon kontaktlarini TikTokka sinxronlagan boʻlsa va
• Ularning kontaktida telefon raqamingiz yoki email manzilingiz bor boʻlsa.
Quyidagilarni bilish muhim:
• Agar bu sozlamani yoqsangiz, hisobingiz boshqalarga tavsiya qilinishi uchun telefon kontaktlaringizni TikTok hisobingizga sinxronlashingiz shart emas.
• Bundan tashqari, telefon kontaktlaringizni sinxronlagan boʻlsangiz, telefon kontaktlaringizda telefon biror foydalanuvchining raqami yoki email manzili bor boʻlsa va u telefon raqami yoki email manzilini TikTok hisobiga kiritgan boʻlsa, hisobingizni unga ham tavsiya qilishimiz mumkin.
Facebookdagi doʻstlar
Hisobingizni boshqalarga tavsiya qilish sozlamasida Facebookdagi doʻstlar parametri yoniq boʻlsa, hisobingiz TikTokda ham mavjud boʻlgan Facebook doʻstingizga yoki siz bilan Facebook tanishlar orqali ayni ulanishga ega shaxslarga (ayrim hududlarda) tavsiya etilishi mumkin, bunda ikkalangiz ham Facebookdagi doʻstlaringiz roʻyxatini TikTokka sinxronlagan boʻlishingiz kerak.
Havolalarni ochgan yoki sizga yuborgan odamlar
Hisobingizni boshqalarga tavsiya qilish sozlamasida Havolalarni ochgan yoki sizga yuborgan odamlar parametri yoniq boʻlsa, TikTok hisobingiz TikTokda sizga havola yuborgan yoki siz yuborgan TikTokdagi video havolasini ochgan shaxsga tavsiya qilinishi mumkin. Bu TikTok platformasidan tashqarida (masalan, matnli xabar yoki tashqi platforma orqali) ulashilgan havolalarni ham oʻz ichiga oladi.
Tavsiya etilgan hisoblar sozlamasini yoqish va faolsizlantirish
Maxfiylik sozlamalari ruknida hisobingiz boshqalarga qanday tavsiya qilinishi va hisoblar sizga qanday tavsiya qilinishini tekshirish hamda boshqarishingiz mumkin.
Hisobingizni boshqalarga tavsiya qilish
Bu sozlamadan hisobingiz Kontaktlar, Facebookdagi doʻstlar va Havolalarni ochgan yoki sizga yuborgan odamlarga tavsiya qilinishi yoki qilinmasligini boshqarish uchun foydalaning. Bu sozlamalar yoshingiz 18 yoshdan katta boʻlsa, avtomatik ravishda yoqiladi.
Hisobingiz boshqalarga qanday tavsiya etilishini oʻzgartirish uchun:
1. TikTok ilovasida quyi qismdagi Profil tugmasini bosing.
2. Yuqoridagi Menyu ☰ tugmasini, keyin Sozlamalar va maxfiylik tugmasini bosing.
3. Avval Maxfiylik, keyin Hisobingizni boshqalarga tavsiya qilish tugmasini bosing.
4. Hisobingizni kimlarga tavsiya qilishni tanlang. Agar Facebookdagi doʻstlar parametrini yoqsangiz, quyidagi koʻrsatmalarni bajargan holda Facebookdagi doʻstlarni sinxronlashingiz ham lozim.
Kontaktlar va Facebookdagi doʻstlarni sinxronlash
Bu sozlamadan TikTokka telefon kontaktlaringiz va Facebookdagi doʻstlaringizni sinxronlash hamda sizga odamlarni topish va kuzatishga yordam berishga ruxsat berish foydalaning. Istalgan vaqtda sinxronlashni toʻxtatishingiz va TikTokdan ilgari sinxronlangan maʼlumotlarni olib tashlashingiz mumkin.
Yodda tuting, agar telefon kontaktlaringizni sinxronlasangiz va Hisobingizni boshqalarga tavsiya qilish sozlamasidagi Kontaktlar parametrini yoqqan boʻlsangiz, hisobingiz telefon raqami yoki email manzili telefon kontaktlaringizda mavjud boʻlgan hamda oʻz telefon raqami yoki email manzilini TikTokka kiritgan foydalanvchiga ham tavsiya qilinishi mumkin.
TikTokda telefon kontaktlaringiz yoki Facebookdagi doʻstlarni sinxronlash uchun:
1. TikTok ilovasida quyi qismdagi Profil tugmasini bosing.
2. Yuqoridagi Menyu ☰ tugmasini, keyin Sozlamalar va maxfiylik tugmasini bosing.
3. Avval Maxfiylik, keyin Kontaktlar va Facebookdagi doʻstlarni sinxronlash tugmasini bosing.
4. Kontaktlarni sinxronlash yoki Facebookdagi doʻstlarni sinxronlash sozlamasini yoqing yoki faolsizlantiring. Ilgari sinxronlangan maʼlumotlarni olib tashlashingiz ham mumkin.
Agar siz qurilmangiz sozlamalarida TikTokning telefoningizdagi kontaktlarga kirish huquqini olib tashlasangiz, biz kontaktlarni ortiq sinxronlamaymiz, lekin avval sinxronlangan kontaktlaringizdan hisoblarni tavsiya qilishda davom etamiz. Agar siz TikTokka sinxronlangan barcha telefon kontaktlaringizni olib tashlamoqchi va barcha qurilmalardagi kontaktlarni sinxronlashni toʻxtatmoqchi boʻlsangiz, Kontaktlar va Facebookdagi doʻstlarni sinxronlash sozlamasidan Avval sinxronlangan kontaktlarni olib tashlashingiz mumkin. TikTokda telefon raqamingiz qanday ishlatilishi haqida batafsil.