TikTokBoʻlimga kirish
Tijoriy kontent kutubxonasi nima? • Tijoriy kontent kutubxonasidan qanday foydalaniladi • Reklama kutubxonasi haqida • Boshqa tijoriy kontent kutubxonasi haqida
Tijoriy kontent kutubxonasi nima?
TikTokning Tijoriy kontent kutubxonasi (CCL) TikTokda joylangan reklamalar va boshqa turdagi tijoriy kontent repozitoriysidir.
CCL ikkita asosiy quyi kutubxonadan iborat:
• Reklama kutubxonasi: Bu kutubxona biz foydalanuvchilarga koʻrsatganimiz uchun pul olgan reklamalardan iborat, jumladan, hozirda faol boʻlmagan yoki reklama beruvchilar tomonidan pauzaga qoʻyilganlar.
• Boshqa tijoriy kontent: Bu kutubxona oʻz ichiga biz namoyishi uchun pul olmagan brend, mahsulot yoki xizmatni tanituvchi kontentni oladi.
Eslatma: Tijoriy kontent kutubxonasi hozirda faqat Yevropa iqtisodiy hududi (EEA), Shveytsariya va Buyuk Britaniyadagi foydalanuvchilar uchun taqdim etiladigan reklama haqidagi maʼlumotlarni oʻz ichiga oladi.
Tijoriy kontent kutubxonasidan qanday foydalanish mumkin
Quyida keltirilgan quyi kutubxonalarga library.tiktok.com orqali kirishingiz mumkin. CCL barchaga ochiq va unga kirish, qidirish yoki foydalanish uchun TikTok hisobi boʻlishi shart emas.
Reklamalar kutubxonasi haqida
Reklamalar kutubxonasida quyidagi maʼlumotlar mavjud:
• Kamida bitta tomoshaga ega, 2022-yil, 1-oktabrdan keyin nashr etilgan va YIH, Shveytsariya va Buyuk Britaniyadagi foydalanuvchilarga qaratilgan har qanday reklama.
• Avval koʻrmagan boʻlsangiz ham istalgan reklamani qidirishingiz mumkin.
• Har bir reklama va reklama tafsilotlari uni foydalanuvchi tomosha qilgandan keyin bir yil oʻtib kutubxonada chiqadi.
Eslatma: Reklama CCL ichida chiqishi uchun u birinchi marta tomosha qilingandan boshlab 24 soat vaqt talab etilishi mumkin. Reklama yoki kampaniyaga oʻzgartirish yoki yangilanish kiritish CCLda 24 soat ichida aks etadi.
Reklamalar kutubxonasida qanday qidirish mumkin
Reklamalar kutubxonasida qidirish uchun:
1. CCLga kiring.
2. Sahifaning yuqori qismidagi Reklama kutubxonasi tugmasini bosing.
3. Kerakli Reklama maqsadli mamlakati, Reklama turi va Reklama chop etilgan sanani tanlang.
4. Maʼlum reklama beruvchi joylagan yoki maʼlum kalit soʻz yordamida reklamani topish uchun Reklama beruvchi nomi yoki kalit soʻzni ochiluvchi menyudan kiriting.
5. Qidirish tugmasiga bosing.
༚ Qidirilgan kalit soʻzni oʻz ichiga olgan yoki qidiruv soʻrovi bilan mos reklama beruvchi nomiga ega har qanday reklama natijalarga chiqib kelishi mumkin.
༚ Natijalarni auditoriya hajmi, oxirgi koʻrsatilgan sana va chop etilgan sana asosida saralashingiz mumkin.
Reklamalar kutubxonasida qanday maʼlumotlar mavjud?
Qidiruv natijalaridagi reklama kartasi ustiga bosing va reklama tafsilotlari sahifasiga kiring, u yerda qoʻshimcha maʼlumotlar, jumladan, quyidagilarni topasiz:
• Reklama beruvchi: Reklama beruvchiing nomi, agar rekalama beruvchidan farq qilsa (masalan, agentlik) reklama uchun toʻlov qilgan shaxs yoki tashkilot va kompaniyaning yuridik manzili. Mavjud boʻlsa, tasdiqlangan TikTok hisobiga havola ham koʻrsatilishi mumkin. Yodda tuting, TikTokda registratsiya qilingan tadbirkorlik subyektining nomi ommaga tanilgan kompaniya nomidan farq qilishi mumkin.
• Birinchi koʻrsatilgan: reklama birinchi marta koʻrsatilgan sana.
• Oxirgi koʻrsatilgan: reklama oxirgi marta koʻrsatilgan sana.
• Koʻrgan unikal foydalanuvchilar: reklamani kamida bir marta koʻrgan unikal foydalanuvchilar sonining taxminiy diapazoni.
• Targeting xulosasi: maqsadli auditoriyaga mos keluvchi foydalanuchilarning taxminiy soni va maqsadli auditoriyani belgilashda ishlatilgan mezonlar, masalan, yosh, jins, joylashuv yoki qiziqish.
• Joylashuv: reklama namoyish qilingan mamlakatlar va mamlakatlar boʻyicha bu reklamani kamida bir marta koʻrgan unikal foydalanuvchilar soni.
Eslatma: ayrim reklamalarda u shartlarimizni buzganligi uchun olib tashlangani haqidagi yorliqni koʻrishingiz mumkin. Bunday reklamalarni koʻra olmaysiz, lekin shunda ham, yuqorida keltirilgan reklama haqidagi ayrim tafsilotlarni, masalan, bu reklamani kamida bir marta koʻrgan unikal foydalanuvchilar soni yoki targeting xulosasini topishingiz mumkin.
Boshqa tijoriy kontent kutubxonasi haqida
CCl biror brend, mahsulot yoki xizmatni tanituvchi va koʻrsatish uchun TikTokka haq toʻlanmagan kontentni ham oʻz ichiga oladi. Bu kontent ijodkorlar oʻz kontentini joylashda foydalanishi mumkin boʻlgan kontentni ochiqlash sozlamasi orqali belgilanadi.
Agar bu kontent ijodkorning hisobida ommaviy ochiq boʻlgan vaqtida kamida bir marta koʻrilgan boʻlsa, u CCL ga kiritiladi. Kontentning har bir elementi, amaldagi qonunlarga muvofiq, u ijodkor tomonidan oʻchirilgan yoki maxfiy holatga oʻtkazilganidan keyin bir yil davomida kutubxonada mavjud boʻladi.
Boshqa tijoriy kontent kutubxonasida qidirish
Boshqa tijoriy kontentni qidirish uchun:
1. CCLga kiring.
2. Sahifaning yuqori qismidagi Boshqa tijoriy kontent tugmasini bosing.
3. Kerakli Ijodkor mamlakati va Joylangan sanani tanlang.
4. Muayyan ijodkor tomonidan joylangan kontentni topish uchun Ijodkorning foydalanuvchi nomini kiriting.
5. Qidirish tugmasiga bosing. Natijalarni video tomoshalari va joylangan sana asosida saralashingiz mumkin.
Boshqa tijoriy kontent kutubxonasida qanday maʼlumotlar mavjud?
Qidiruv natijalari sahifasida kontentning har bir elementi uchun quyidagi maʼlumotlar mavjud:
• Foydalanuvchi nomi: ijodkorning foydalanuvchi nomi.
• Brend nomi: agar mavjud boʻlsa, ijodkor oʻz kontentining homiysi sifatida belgilagan brend.
• Joylangan sana: bu kontent chop etilgan va barcha foydalanuvchilar koʻrishi mumkin boʻlgan sana.
• Video tomoshalari: bu kontent necha marta koʻrilgani.
Boshqa tijoriy kontent kutubxonasi haqida bilish kerak boʻlgan muhim maʼlumotlar:
• Bu kutubxona faqat ijodkor kontentni ochiqlash sozlamasi orqali tijoriy deb ochiqlagan kontentni oʻz ichiga oladi.
• Ayrim ijodkorlar oʻzining TikTokdagi profilidan koʻra, kutubxonada koʻproq kontentga ega ekaniga guvoh boʻlishingiz mumkin. Chunki ijodkor tegishli videoni profilidan olib tashlagan yoki maxfiy holatga oʻtkazgan, lekin u kutbxonada hali ham mavjud boʻlishi mumkin.