TikTokAgar yuz va ovoz bilan bogʻliq effekt yoki filtrlardan foydalanishga qaror qilsangiz, biz TikTok videolari, suratlar va JONLI efir videolarida yuz va ovoz maʼlumotlarini toʻplaymiz hamda tahlil qilamiz. Masalan, yuzingizga quyoshga qarshi koʻzoynak qoʻshuvchi effekt koʻzoynakni yuzingizga toʻgʻri joylashtirish uchun ekranda koʻzlaringiz qayerda ekanini bilishi kerak boʻlishi mumkin. Xuddi shu kabi, ovoz filtri ovozingizni robotga oʻxshatish uchun ovoz tembringizni aniqlashi kerak boʻlishi mumkin.
Shuningdek, xavfsizlik va foydalanuvchi tajribasini yaxshilash, kontentni tavsiya va moderatsiya qilish, taxminiy yosh oraligʻi kabi tahliliy va demografik tasniflash maqsadida videolar, suratlar va JONLI efir videolarida yuz hamda ovoz maʼlumotlarini toʻplaymiz va tahlil qilamiz.
TikTokda JONLI efirni boshlash, video yoki suratlar yuklash, filtr va effektlardan foydalanish orqali, yuz va ovoz maʼlumotlaringizning ushbu maqsadlarda ishlatilishiga rozilik berasiz. Agar ushbu maqsadlarda yuz yoki ovoz maʼlumotlaringizning ishlatilishiga rozi boʻlmasangiz:
• TikTokda JONLI efir boshlamang, video yoki suratlar yuklamang, filtr va effektlardan foydalanmang; va
• TikTokka yuklagan barcha video yoki suratlaringizni oʻchiring.
Agar TikTok hisobingizni oʻchirsangiz, hisobingizga aloqador har qanday yuz yoki ovozga oid maʼlumot ham oʻchiriladi.
Ilovada post yaratish haqida bilish kerak boʻlgan muhim jihatlar:
• Agar video, surat yoki JONLI efir videolaringizda boshqalar koʻrinish bersa, TikTokka yuz va ovoz maʼlumotlarini toʻplash hamda tahlil qilishga rozilik berilganini taʼminlash uchun siz javobgarsiz.
• Video, surat va JONLI efir videolaringizda siz yoki boshqa shaxslarni aniqlash uchun hech qanday yuz yoki ovoz maʼlumotlaridan foydalanmaymiz, shuningdek, bunday maʼlumotlarni uchinchi tomonlarga ulashmaymiz.
• Biror effekt yoki filtr kontentingizga kiritilgan yuz yoki ovoz maʼlumotlaridan foydalangandan keyin bu maʼlumotlar oʻchiriladi.
• Video, surat va JONLI efirlaringiz yuqorida tasvirlangan maqsadlarda tahlil qilinganidan keyin toʻplangan yuz va ovozga oid maʼlumotlar oʻchiriladi.
Toʻplashimiz mumkin boʻlgan maʼlumotlar va ularni nega toʻplashimiz haqida Maxfiyik siyosatida batafsil bilib oling.