TikTokKoʻrilgan postlar postlaringizni kimlar koʻrganini bilish imkonini beradi va tomoshabinlar ishtiroki haqida sizni xabardor qiladi. Agar bu sozlamani yoqsangiz, siz kuzatadigan hamda shu sozlama yoqilgan odamlar ularning postlarini koʻrganingizni bila oladi.
Koʻrilgan postlarda quyidagilarning koʻrgani aks ettiriladi:
• Sizni kuzatadigan, koʻrilgan postlarni yoqqan va postlaringizni koʻrgan odamlar.
• Postlaringizga layk bosgan yoki fikr bildirgan sizni kuzatmaydigan odamlar. Bu narigi foydalanuvchida koʻrilgan postlar yoqilgan yoki yoqilmaganligidan qatʼi nazar amal qiladi.
• Oxirgi 7 kun ichida joylangan postlaringizni koʻrgan odamlar.
Eslatma: Bu funksiyadan faqat 16 yosh va undan katta hamda 5000 dan kam kuzatuvchiga ega boʻlgan foydalanuvchilar foydalana oladi. Bu koʻrilgan hikoyalarga taʼsir qilmaydi va koʻrilgan postlardan ajratiladi.
Koʻrilgan postlarni qanday yoqish yoki faolsizlantirish mumkin
Koʻrilgan postlarni yoqish yoki faolsizlantirish uchun:
1. TikTok ilovasida quyi qismdagi Profil bandini bosing.
2. Yuqoridagi Menyu ☰ tugmasini, keyin Sozlamalar va maxfiylik tugmasini bosing.
3. Maxfiylik tugmasini bosing, keyin Post tomoshalari bandini tanlang.
4. Koʻrilgan postlar funksiyasini yoqing yoki faolsizlantiring. Unutmang, bu sozlamani faolsizlantirsangiz ham, boshqalarning postlaridagi fikrlaringiz va layklaringiz ularga koʻrilgan sifatida koʻrinadi.