TikTokBoʻlimga kirish
TikTok telefon raqamingizdan qanday foydalanadi? • TikTok emailingizdan qanday foydalanadi? • 2 bosqichli tekshiruvni sozlash • TikTok hisobingizni telefon kontaktlaringizga tavsiya qilishi mumkin yoki mumkin emasligini boshqarish • TikTok telefon kontaktlaringiz yordamida sizga hisoblarni tavsiya qilishi mumkin yoki mumkin emasligini boshqarish
TikTok telefon raqamingizdan qanday foydalanadi?
Telefon raqamingizni hisobingizga kiritish TikTokdagi tajribangizni yaxshilashga yordam beradi.
Biz quyidagi maqsadlarda telefon raqamingizdan foydalanishmiz mumkin:
• TikTok hisobingizga kirishingizga yordam berish. Foydalanuvchi nomi, emailingiz yoki TikTok hisobingizga kirishda foydalangan boshqa kirish usulini unutib qoʻysangiz, hisobni tiklash ekranida hisobingizga ulangan mobil telefon raqamini kiritish orqali barcha kirish usullaringizni koʻrishingiz mumkin. Parolingizni unutsangiz, uni tiklash uchun ham mobil telefon raqamingizdan foydalanishingiz mumkin.
• Ikki bosqichli tekshiruv yordamida hisobingiz xavfsizligini kuchaytirish.
• Sizni tanishingiz mumkin boʻlgan odamlar bilan bogʻlash.
• Biror shaklni toʻldirish vaqtida maʼlumotlaringizni avtomatik kiritish.
• Siz va boshqalar uchun reklama tajribasini yaxshilash. Kontakt maʼlumotlaringizni reklama, baholash va maʼlumotlar hamkorlaridan olingan maʼlumotlar bilan taqqoslashimiz mumkin, masalan, TikTokda biror reklamani koʻrgandan keyin xarid qilganingizda. Bu, sozlamalaringizga qarab, sizga TikTokdan tashqaridagi harakatlaringiz asosida moslashtirilgan reklamalarni koʻrsatish, shuningdek, TikTok hamjamiyatida barcha uchun uchun reklama xizmatlarini yaxshilashimizga yordam beradi. Reklamalar va maʼlumotlaringiz haqida TikTok Xavfsizlik markazida batafsil axborot oling.
Yodda tuting:
• Mobil telefon raqamingiz TikTok profilingizda boshqalarga koʻrinmaydi. Hisobingizga kirishning muqobil usulini taqdim etganingizdan keyin, istalgan vaqtda telefon raqamingizni oʻzgartirish yoki olib tashlashingiz mumkin.
• Maxfiylik sozlamalari orqali hisobingizni boshqalarga qanday tavsiya qilishimiz, kontaktlarni sinxronlash va boshqalarni boshqarishingiz mumkin.
• Shaxsiy maʼlumotlarni, jumladan, telefon raqamingizni hech kimga sotmaymiz. TikTok telefon raqamingizdan qanday foydalanishi haqida Maxfiylik siyosatida batafsil axborot oling.
TikTok emailingizdan qanday foydalanadi?
Email manzilingizni hisobingizga kiritish TikTokdagi tajribangizni yaxshilashga yordam beradi.
Emailingizdan quyidagi maqsadlarda foydalanishimiz mumkin:
• Hisobingizga kirishingizga yordam berish. Foydalanuvchi nomi, telefon raqamingiz yoki TikTok hisobingizga kirishda foydalangan boshqa kirish usulini unutib qoʻysangiz, hisobni tiklash ekranida hisobingizga ulangan emailni kiritish orqali barcha kirish usullaringizni koʻrishingiz mumkin. Parolingizni unutsangiz, uni tiklash uchun ham emailingizdan foydalanishingiz mumkin.
• Ikki bosqichli tekshiruv yordamida hisobingiz xavfsizligini kuchaytirish.
• Sizni tanishingiz mumkin boʻlgan odamlar bilan bogʻlash.
• Siz va boshqalar uchun reklama tajribasini yaxshilash. Kontakt maʼlumotlaringizni reklama, baholash va maʼlumotlar hamkorlaridan olingan maʼlumotlar bilan taqqoslashimiz mumkin, masalan, TikTokda biror reklamani koʻrgandan keyin xarid qilganingizda. Bu, sozlamalaringizga qarab, sizga TikTokdan tashqaridagi harakatlaringiz asosida moslashtirilgan reklamalarni koʻrsatish, shuningdek, TikTok hamjamiyatida barcha uchun uchun reklama xizmatlarini yaxshilashimizga yordam beradi. Reklamalar va maʼlumotlaringiz haqida TikTok Xavfsizlik markazida batafsil maʼlumot oling.
• Sizga trenddagi kontent, tarqatma xatlar, tanituvlar, tavsiyalar va hisob yangilanishlarni yuborish.
• Agar mamlakatingizda TikTok Shop mavjud boʻlsa, sizga buyurtma yangilanishlari, logistika yangilanishlari va pulni qaytarish holati haqidagi xabarlarni yuborish.
Yodda tuting:
• Emailingiz TikTok profilingizda boshqalarga koʻrinmaydi. Hisobingizga kirishning muqobil usulini taqdim etganingizdan keyin istalgan vaqtda emailingizni oʻzgartirish yoki olib tashlashingiz mumkin.
• Agar Facebookdagi doʻstlarni sinxronlashni tanlasangiz, emailingizni olishimiz mumkin.
• Shaxsiy maʼlumotlarni, jumladan, emailingizni hech kimga sotmaymiz. TikTok emailingizdan qanday foydalanishi haqida Maxfiylik siyosatida batafsil axborot oling.
2 bosqichli tekshiruvni sozlash
2 bosqichli tekshiruvni (2SV) telefon raqamingiz yordamida sozlashingiz mumkin. Hisobingizni himoya qilish uchun 2 bosqichli tekshiruvni yoqish qattiq tavsiya etiladi. Bu umumiy hisob xavfsizligi xususiyati notanish qurilmadan hisobga kirishingizda bizga shaxsingizni tasdiqlashda yordam berish uchun qoʻshimcha himoya darajasini taqdim qiladi. 2 bosqichli tekshiruv, shuningdek, parolingiz buzib kirilgan taqdirda hisobingiz uchun qoʻshimcha himoya darajasi vazifasini bajaradi. Koʻpchilik oʻz hisobini himoyalash uchun faqat bitta darajadan (parol) foydalanadi, lekin 2 bosqichli tekshiruvga ega boʻlsangiz, kimdir parolingizni qoʻlga kiritgan taqdirda ham, u hisobingizga kirishga urinish vaqtida telefon yoki emailingizga ham kirishi kerak boʻladi.
2 bosqichli tekshiruvni yoqish uchun:
1. Qurilmangizda TikTokning eng oxirgi versiyasi yuklab olinganini tekshiring.
2. Ekranning pastki qismidagi Profil tugmasini bosing.
3. Yuqoridagi Menyu tugmasini bosing.
4. Sozlamalar va maxfiylik bandini bosing.
5. Xavfsizlik tugmasini bosing.
6. 2 bosqichli tekshiruv tugmasini bosib, kamida ikkita tekshiruv usulini tanlang:
༚ SMS (tavsiya etiladi)
༚ Email (tavsiya etiladi)
༚ Authenticator ilovasi (tavsiya etiladi). Bu usuldan foydalanish uchun qurilmangizga Google Authenticator yoki Microsoft Authenticator kabi autentifikatsiya ilovasini oʻrnatishingiz kerak. Taqdim etilgan kalitni nusxalash yoki QR kodni skanerlash uchun keyingi ekrandagi koʻrsatmalarni bajaring. TikTok uchun hisob qoʻshishda authenticator ilovasidagi kalitni kiriting. Va nihoyat, TikTok ilovasida keyingi oynada authenticator ilovasi taqdim etgan kodni kiriting.
༚ Parol
7. Tasdiqlash uchun Yoqish tugmasini bosing.
8. SMS yoki Emailni tanlasangiz:
༚ Agar avval kontakt maʼlumotlaringizni kiritmagan boʻlsangiz, sizdan email manzili va telefon raqamini kiritish soʻraladi. SMS uchun standart haq olinishi mumkin.
༚ Kod yuborish tugmasini bosing va keyingi ekranda sizga SMS hamda email orqali yuborilgan tasdiqlash kodini kiriting.
Keyingi safar hisobga kirganingizda, siz tanlagan tekshiruv usuliga qarab, sizdan telefon raqami yoki email manzilingizga yuborilgan yoxud autentifikatsiya ilovangizdan topish mumkin boʻlgan tasdiqlash kodini kiritish soʻraladi. Shaxsingizni tasdiqlash uchun ekrandagi 2 bosqichli tekshiruv bildirgisiga shu kodni kiriting.
TikTok hisobingizni telefon kontaktlaringizga tavsiya qilish yoki qilmasligini boshqarish
Quyidagi hollarda TikTokda hisobingiz boshqalarga tavsiya etilishi mumkin:
• Telefon raqamingizni TikTok hisobingizga kiritgan boʻlsangiz.
• Hisobingizni boshqalarga tavsiya qilish maxfiylik sozlamasida Kontaktlar sozlamasini yoqqan boʻlsangiz.
• Hisobingiz tavsiya etilayotgan shaxs TikTokka oʻzining telefon kontaktlarini sinxronlashga qaror qilgan boʻlsa va sizning telefon raqamingiz uning kontaktlarida mavjud boʻlsa. Hisobingizni boshqalarga tavsiya qilishda telefon raqamingiz qanday ishlatilishi haqida batafsil.
Kontaktlar sozlamasini tekshirish va oʻzgartirish uchun:
1. TikTok ilovasida quyi qismdagi Profil tugmasini bosing.
2. Yuqori qismdagi Menyu tugmasini bosing.
3. Sozlamalar va maxfiylik tugmasini bosing.
4. Avval Maxfiylik, keyin Hisobingizni boshqalarga tavsiya qilishtugmasini bosing.
5. Kontaktlar sozlamasini yoqing yoki faolsizlantiring.
TikTok telefon kontaktlaringizdan foydalanish orqali hisoblarni sizga tavsiya qilish yoki qilmasligini boshqarish
Agar telefon raqamingizni kiritgan va telefon kontaktlaringizni sinxronlagan boʻlsangiz, tanishingiz mumkin boʻlgan odamlarni topish va kuzatishingizga yordam berishimiz mumkin. Istalgan vaqtda sinxronlashni toʻxtatishingiz va TikTokdan ilgari sinxronlangan maʼlumotlarni olib tashlashingiz mumkin.
Kontaktlarni sinxronlash sozlamasini tekshirish va oʻzgartirish uchun:
1. TikTok ilovasida quyi qismdagi Profil tugmasini bosing.
2. Yuqori qismdagi Menyu tugmasini bosing.
3. Sozlamalar va maxfiylik tugmasini bosing.
4. Avval Maxfiylik, keyin Kontaktlar va Facebookdagi doʻstlarni sinxronlash tugmasini bosing.
5. Kontaktlarni sinxronlash sozlamasini yoqing yoki faolsizlantiring. Ilgari sinxronlangan maʼlumotlarni olib tashlashingiz ham mumkin.