Reikningstegundir á TikTok

Farðu í kafla

Persónulegir reikningar • Fyrirtækjareikningar • Hvernig hægt er að breyta reikningstegund • Stofnunarreikningar

Á TikTok geturðu valið á milli þess að vera með persónulegan reikning, fyrirtækjareikning eða stofnunarreikning. Þú gætir viljað nota eina reikningstegund fram yfir aðrar eftir markhópi eða markmiðum þínum á TikTok.

Persónulegir reikningar

Flest fólk á TikTok notar persónulega reikninga. Þessi tegund reiknings hentar vel almennum TikTok notendum, efnishöfundum og flestum opinberum persónum. Persónulegir reikningar gefa þér sveigjanleikann til að upplifa TikTok á mismunandi hátt. Þeir henta vel fyrir fólk sem vill:
• Horfa á og bregðast við efni annars fólks: Þú getur til dæmis skoðað vídeó á Fyrir þig-streyminu, notað leitarverkfærið til að finna nýtt efni til að horfa á, fylgt öðru fólki notað eftirlætismyllumerki til að horfa á efni sem þú hefur áhuga á.
• Búa til efni sem annað fólk gæti haft gaman af: Með persónulegum reikningi hefurðu líka aðgang að fullkomnum efnishöfundaverkfærum. Þessi verkfæri hjálpa þér að læra meira um efnið sem þú býrð til og hvað áhorfendur þínir hafa gaman af. Þetta getur hjálpað þér að byggja upp samfélag sem efnishöfundur.

Eiginleikar persónulegra reikninga

Persónulegir reikningar geta haft aðgang að eiginleikum eins og:

Tekjuöflunarþjónustum og -eiginleikum

• Skoðaðu tekjuöflunarþjónusturnar og -eiginleikana okkar til að afla tekna á TikTok. Hafðu í huga að sumir þessara eiginleika eru hugsanlega ekki tiltækir alls staðar og sumir eiginleikar krefjast þess að þú uppfyllir ákveðin skilyrði til að fá aðgang.

• Nánar um aðra tekjuöflunareiginleika fyrir persónulega reikninga í efnishöfundaakademíunni.

Tónlistar- og hljóðsafn
Fáðu aðgang að tónlist og hljóði í almenna tónlistarsafninu og tónlistarsafninu (CML).

Lokaður reikningur
• Þú getur breytt reikningnum þínum í lokaðan svo að aðeins fólk sem þú samþykkir geti fylgt þér og skoðað efnið þitt.
• Nánar um val á milli lokaðra og opinberra reikninga á TikTok.

Greining
• Greining veitir innsýn í hvernig efninu þínu gengur á TikTok og veitir til dæmis yfirsýn yfir greiningu færslna, Í BEINNI og önnur mæligildi.
• Hafðu í huga að þú þarft að vera með að minnsta kosti eina opinbera færslu til að fá aðgang að greiningu.
• Nánar um greiningu í efnishöfundaakademíunni.

Kynning
• Kynning er auglýsingaverkfæri sem þú getur notað til að fá fleira fólk til að uppgötva efnið þitt, færa fleira fólk að vefsvæðinu þínu, auka möguleika þína á að fá fylgjendur og fleira.
• Nánar um Kynning á TikTok.

TikTok Í BEINNI
• Farðu Í BEINA á TikTok til að tengjast áhorfendunum í rauntíma.
• Hafðu í huga að þú þarft að uppfylla tiltekin skilyrði um aldur og fylgjendur til að fara Í BEINA.
• Nánar um TikTok Í BEINNI.

Vefsvæðistengill á prófíl

Persónulegir reikningar með a.m.k. 1.000 fylgjendur geta birt vefsvæðistengil á prófíl sínum.

Fyrirtækjareikningar

Fyrirtækjareikningar eru opinberir prófílar sem gera vörumerkjum og fyrirtækjum kleift að stjórna viðveru sinni á netinu, auka virkni og fjölga í markhópi sínum gegnum markaðstól okkar á TikTok. Þeir eru ákjósanlegt val fyrir fyrirtæki sem vilja:
• Ná til neytenda á skemmtilegan hátt: Fyrirtæki geta til dæmis búið til eigið efni sem fólk á TikTok getur brugðist við.
• Nota viðskiptamiðaðri verkfæri: Með fyrirtækjareikningi hefurðu aðgang að fullkomnum viðskiptaverkfærum sem hjálpa þér að þróa altæka markaðsstefnu.

Allir sem hafa það að meginmarkmiði að auglýsa viðskipti sín (annaðhvort vöru eða þjónustu) á TikTok ættu að nota fyrirtækjareikning. Nánar um fyrirtækjareikninga á vefsvæðinu TikTok for Business.

Eiginleikar fyrirtækjareikninga

Fyrirtækjareikningar geta haft aðgang að eiginleikum eins og:

Tónlistarsafni
• Tónlistarsafnið (CML) er safn laga og hljóða sem hafa verið forsamþykkt til notkunar í viðskiptalegum tilgangi. Fyrirtæki og vörumerki geta notað tónlistarsafnið okkar til að búa til eigin efni án þess að fá leyfi upp á eigin spýtur.
• Fyrirtækjareikningar hafa ekki aðgang að almenna tónlistarsafninu okkar vegna þess að lögin þar hafa ekki verið leyfð í viðskiptaskyni og eru takmörkuð við persónulega notkun eingöngu.
• Nánar um tónlistarsafnið okkar í hjálparmiðstöð fyrirtækja.

Fyrirtækjasvíta

• Fyrirtækjasvítan er miðstöð tengd viðbótareiginleikum sem þú hefur aðgang að gegnum fyrirtækjareikning, til dæmis greiningarstjórnborði og sölutækifærastjórnun.

• Þú hefur aðgang að efninu þínu í fyrirtækjasvítunni og innsýn í TikTok-appinu eða í vafra. Nánar um Fyrirtækjasvítuna í vafra í hjálparmiðstöð fyrirtækja.

• Notaðu efnisgerðarmiðstöðina í appinu eða í vafra til að leita að vinsælu efni og fá innblástur fyrir færslurnar þínar. Þú getur líka skoðað ráð um efnismarkmið og aðrar bestu venjur til að bæta færslurnar þínar á TikTok.

Vefsvæðistengill á prófíl

Fyrirtækjareikningar geta birt vefsvæðistengil á prófílnum sínum til að kynna vefsvæði.

Hvernig hægt er að breyta reikningstegund

Þú getur breytt reikningstegund yfir í persónulegan reikning eða fyrirtækjareikning í stillingum.

1. Pikkaðu á Prófíll neðst í TikTok-appinu.
2. Pikkaðu á hnappinn Valmynd ☰ efst og veldu síðan Stillingar og persónuvernd.
3. Pikkaðu á Reikningur.
4. Pikkaðu á Skipta yfir í fyrirtækjareikning og fylgdu síðan leiðbeiningunum til að skipta um reikningstegund.

Athugaðu: Við mælum ekki með því að skipta stöðugt á milli fyrirtækjareiknings og persónulegs reiknings. Ef þú vilt kynna fyrirtækið þitt á TikTok en einnig birta venjulegt, persónulegt efni mælum við með því að gera þetta á tveimur aðskildum reikningum.

Stofnunarreikningar

Stofnunarreikningar eru prófílar sem hjálpa vörumerkjum og stofnunum að stjórna viðveru sinni á netinu en þá geta margir meðlimir teymis notað sjálfstætt. Þeir eru ákjósanlegt val fyrir stofnanir sem vilja:
• Stjórna reikningi sínum með því að nota margt fólk: Stofnanir geta þurft að stjórna reikningum sínum með því að nota margt fólk í sama teymi. Með stofnunarreikningi geturðu búið til einn eða fleiri reikninga og stjórnað þeim með því að nýta þér margt fólk samtímis.
• Tryggja öryggi reikningseigna: Eina leiðin til að skrá sig inn á stofnunarreikning er með því að nota staðfestingarkóða en það þýðir að þínar eigin innskráningarupplýsingar og samskiptaupplýsingar eru ekki tengd reikningnum. Ef fólk hættir í stofnuninni getur annað starfsfólk haft áfram aðgang að reikningnum og eignum hans.

Nokkur atriði um stofnunarreikninga:
• Þessi reikningstegund er ekki í boði alls staðar.
• Annað fólk getur pikkað á merkið undir notandanafni stofnunarreikningsins ti lað fá meiri upplýsingar um reikninginn.
• Þú getur bara búið til stofnunarreikning á tilteknum viðskiptaverkvöngum, til dæmis Seljendamiðstöð TikTok Shop.
• Ef þú býrð til nýjan stofnunarreikning geturðu sótt um staðfestan skjöld. Nánar um stofnunarreikninga í hjálparmiðstöð fyrirtækja.

Eiginleikar stofnunarreikninga

Stofnunarreikningar geta haft aðgang að eiginleikum eins og:

Tónlistarsafni
• Tónlistarsafnið (CML) er safn laga og hljóða sem hafa verið forsamþykkt til notkunar í viðskiptalegum tilgangi. Fyrirtæki og vörumerki geta notað tónlistarsafnið okkar til að búa til eigin efni án þess að fá leyfi upp á eigin spýtur.
• Stofnunarreikningar hafa ekki aðgang að almenna tónlistarsafninu okkar vegna þess að lögin þar hafa ekki verið leyfð í viðskiptaskyni og eru takmörkuð við persónulega notkun eingöngu.
• Nánar um tónlistarsafnið okkar í hjálparmiðstöð fyrirtækja.

Hafðu í huga að sumir eiginleikar gætu verið ótiltækir fyrir stofnunarreikninga. Nánar um eiginleika í boði fyrir stofnunarreikninga í hjálparmiðstöð fyrirtækja.

Var þetta gagnlegt?

Hjálplegir Hlekkir

Reikningur búinn til

Að setja upp prófílinn þinn

Að búa til TikTok vídeó