TikTokFara í kafla
Hvað eru sigurbrautir? • Hvað er sigurbrautargæla? • Hvernig hægt er að stjórna tilkynningum um sigurbraut • Hvernig hægt er að endurheimta sigurbraut • Hvernig hægt er að stjórna boðum tengdum sigurbrautargælu • Hvernig hægt er að stjórna sigurbrautargælu
Hvað eru sigurbrautir?
Sigurbrautir hjálpa þér að fylgjast með hverjum þú sendir flest skilaboð á TikTok gegnum bein skilaboð eða í hópspjalli. Ef þú sendir einhverjum bein skilaboð eða hópspjall þrjá daga í röð birtist skjöldur fyrir sigurbraut í spjallinu. Þú getur líka stjórnað sigurbrautargælu með öðrum gegnum bein skilaboð.
Sigurbrautin vex þegar þú eða aðrir meðlimir hópspjallsins haldið áfram að skiptast á skilaboðum. Skjöldurinn dofnar ef ekki er skipst á skilaboðum fyrir dagslok. Ef engin samskipti fara fram í spjallinu í sólarhring eftir að skjöldurinn dofnar lýkur sigurbrautinni og skjöldurinn hverfur. Hins vegar fer það eftir hversu lengi spjallið hefur staðið yfir hvort þú getur endurvakið útrunna sigurbraut. Þú færð tilkynningu um nýjar sigurbrautir og ef þær eru um það bil að renna út.
Háð staðsetningu og hvort þú ert yngri en 16 eða 18 ára og tekur þátt í hópspjalli teljast skilaboðin þín ekki með í því að opna á sigurbrautina.
Hvað er sigurbrautargæla?
Sigurbrautargæla er sýndarkarakter sem þú getur nært með öðrum einstaklingi eða í hópspjalli ef spjallið er með virka sigurbraut. Eftir að þú færð sigurbrautarskjöld geturðu sent eða móttekið boð um að opna á sigurbrautargælu. Ef þú klárar ýmis verkefni færðu vaxtarpunkta og getur stjórnað sigurbrautargælunni í beinum skilaboðum.
Nokkur atriði sem gott er að vita um sigurbrautargælur:
• Þessi eiginleiki er ekki í boði fyrir alla eins og er.
• Þú þarft að hafa virka sigurbraut til að opna á og næra sigurbrautargælu en þú þarft ekki sigurbrautargælu til að halda sigurbraut virkri.
• Ef sigurbrautinni lýkur fjarlægjum við sigurbrautargæluna fyrir alla í spjallinu. En þú gætir átt kost á að endurheimta sigurbrautina.
• Ef sigurbrautargæla er fjarlægð á meðan sigurbraut í einka- eða hópspjalli er virk munum við fjarlægja hana fyrir alla og vaxtarpunktarnir fara aftur í núll. Ef um er að ræða hópspjall getur aðeins eigandi eða stjórnandi hópspjallsins fjarlægt sigurbrautargælur.
Hvernig hægt er að stjórna tilkynningum fyrir sigurbraut
Þú getur stjórnað sigurbrautartilkynningunum í stillingum í TikTok-appinu.
1. Pikkaðu á Prófíll neðst í TikTok-appinu.
2. Pikkaðu á hnappinn Valmynd ☰ sem er efst og veldu síðan Stillingar og persónuvernd.
3. Pikkaðu á Tilkynningar.
4. Hér skaltu:
༚ Kveikja eða slökkva á stillingunni um sprettitilkynningar fyrir Sigurbrautir.
༚ Pikka á Tilkynningar í appinu og kveikja síðan eða slökkva á stillingunni fyrir Sigurbrautir.
Svona endurvekur þú sigurbraut
1. Farðu í spjallið sem tapaði sigurbrautinni.
2. Pikkaðu á Endurheimta í spjallinu og pikkaðu síðan aftur á Endurheimta.
Nokkur atriði um endurheimt á sigurbrautum í beinum skilaboðum og hópspjalli:
• Þú getur bara endurheimt sigurbraut innan tveggja sólarhringa eftir að henni lýkur. Ef þú sérð ekki valkost um að endurheimta sigurbraut er tímaramminn liðinn.
• Þegar þú viðheldur sigurbrautinni færðu takmarkaðan fjölda endurheimtinga í hverjum mánuði.
• Ef þú varst áður með sigurbrautargælu mun gælan koma aftur í spjallið þar sem þú endurheimtir sigurbrautina.
• Eftir að sigurbraut er endurheimt mun hún fara aftur í sama dagafjölda og þú misstir. Ef þú til dæmis missir sigurbraut á degi 11 og hún er endurvakin mun standa 11 dagar á skildinum.
Hvernig hægt er að stjórna boðum tengdum sigurbrautargælu
Til að bjóða fólki að stjórna sigurbrautargælu:
1. Í TikTok-appinu skaltu fara í spjallið við einstaklinginn sem þú vilt stjórna gælu með.
2. Pikkaðu á skjöldinn Sigurbraut efst. Hafðu í huga að þú þarft að vera með virka sigurbraut til að opna á sigurbrautargælu.
3. Pikkaðu á Sigurbrautargæla og pikkaðu síðan á Bjóða.
Til að samþykkja boð um að stjórna sigurbrautargælu:
1. Farðu í spjallið sem sendi þér boðið í TikTok-appinu.
2. Pikkaðu á Samþykkja.
Hvernig hægt er að stjórna sigurbrautargælu
1. Farðu í spjallið með sigurbrautargælunni í TikTok-appinu.
2. Pikkaðu á skjöldinn Sigurbraut efst. Þú getur líka pikkað á Sigurbrautargæla í spjallinu.
3. Pikkaðu á hnappinn Fleiri valkostir ... efst.
4. Hér skaltu:
༚ Pikka á Breyta nafni og fylgja síðan leiðbeiningunum um hvernig hægt er að bæta við nafni fyrir gæluna. Þú getur slegið inn allt að 20 stafi.
༚ Pikka á Fela gælu í spjalli. Ef sigurbrautargælan er falin skaltu pikka á Sýna gælu í spjalli.
༚ Pikka á Fjarlægja sigurbrautargælu og pikka síðan á Fjarlægja aftur til að staðfesta. Hafðu í huga að ef þú fjarlægir sigurbrautargæluna munum við líka fjarlægja hana fyrir annað fólk í spjallinu. Ef um er að ræða hópspjall getur aðeins eigandi hópsins fjarlægt sigurbrautargælu.