TikTokFiribgarlik xabarlari (ayrim hollarda “fishing” deb ataladi) – bu aldov yoʻli bilan boshqalarni oʻz shaxsiy axborotlari, masalan, parollar, kredit karta raqamlari, ijtimoiy sugʻurta raqami yoki boshqa maxfiy maʼlumotlarni berishga aldash va majbur qilish uchun firibgarlar tomonidan ishlatiladigan keng tarqalgan usuldir. Firibgarlik xabarlari email, SMS (matnli xabar), ilova ichidagi xabar va xabar almashish ilovalari orqali yuborilishi mumkin.
Fishing xabarini oldim deb oʻylasangiz, nima qilish kerak
Shuni yodda tutingki, firibgarlar odatda email yoki ilova ichidagi xabar orqali sizni shaxsiy axborotingizni taqdim etish uchun aldashga urinishi mumkin.
Umuman olganda, agar siz xabar, email, video yoki havolaga duch kelsangiz yoki olsangiz, uni ochmang va bu haqida darhol bizga xabar bering. Yodda tuting:
• TikTokdan keluvchi har qanday qonuniy xabar sizdan ismingiz, kontakt axborotingiz yoki parolingiz kabi shaxsiy axborotlarni soʻramaydi.
• Sizga yuborilgan havolalarni ochishdan oldin har doim tekshiring.
• Bepul layklar, muxlislar, tojlar, Tangalar yoki boshqa imtiyozlarni berishga vaʼda beradigan uchinchi tomon veb-saytlariga hech qachon ishonmang, chunki ular login maʼlumotlaringizga kirishi mumkin.
Lekin quyidagilarga duch kelsangiz, bevosita siz bilan bogʻlanishimiz mumkin:
TikTok funksiyalarida muammolar
• Agar hisobingiz TikTokda Tangalar balansingizni toʻldirish kabi muayyan funksiyalardan foydalanayotganda muammoga duch kelgan boʻlsa, Yordam xizmati jamoamiz sizga ilovada kiruvchi bildirishnoma yuborishi mumkin.
• Xabarning pastki qismida soʻrovni qabul qilishingizni talab qiluvchi qalqib chiquvchi oyna chiqsa, u bizdan ekanini tasdiqlashingiz mumkin.
• Funksiyaga qarab sizdan muammoni hal qilish uchun shaxsingizni tasdiqlash va bank tekshiruvi uchun hujjatlar yuborish soʻralishi mumkin.
Hukumat, siyosiy va siyosiy partiya hisobini (GPPPA) tasdiqlash
• Agar GPPPA hujjatingiz boʻlsa, tasdiq nishoni uchun ariza yuborgan boʻlsangiz yoki hali yubormagan boʻlsangiz, sizga email yuborishimiz mumkin.
• Agar yuboruvchida @tiktok.com email manzili boʻlsa, email manzili bizdan ekanini tasdiqlashingiz mumkin.
• Ayrim hollarda sizdan hisob tafsilotlarini tasdiqlash yoki yangilash talab qilinishi mumkin.
Agar yuqoridagi xabarlar sizga rasmiy usul orqali yuborilmasa, hisobingizni ehtiyotkorlik bilan boshqarishni unutmang.
Hisobingizga buzib kirildi deb oʻylasangiz, nima qilish kerak
Agar hisobingizga buzib kirildi deb ishonsangiz, darhol bu haqida bizga xabar berishingiz kerak. Hisobingizni yaxshiroq himoyalash uchun bir nechta choralarni koʻrishingiz mumkin:
Parolingizni oʻzgartiring
• Agar hisobingizga buzib kirilganlik ehtimoli boʻlsa, parolingizni imkon qadar tez oʻzgartiring. Eslab qolishingiz oson, lekin boshqalar uchun taxmin qilish qiyin boʻlgan parolni tanlang.
• TikTok parolingizni qanday tozalash haqida batafsil.
2 bosqichli tekshiruvni yoqing
• 2 bosqichli tekshiruv parolingiz buzib kirilgan taqdirda hisobingiz uchun qoʻshimcha himoya darajasi vazifasini bajaradi. Bu hisobingizni notanish va ruxsat berilmagan qurilmalar yoki tashqi iloalardan himoyalashga yordam beradi.
• 2 bosqichli tekshiruvni qanday yoqish haqida batafsil.
Hisobingizga kirilgan qurilmalarni tekshiring
• Siz qaysi telefonlar va boshqa mobil qurilmalarda ayni vaqtda TikTok hisobingiz ishlatilayotgani yoki yaqinda hisobingizga kirilganini koʻrishingiz mumkin.
• Sozlamalardan qurilmalaringizni qanday tekshirish haqida batafsil bilib oling.
Xavfsizlik ogohlantirishlarini tekshiring
Jamoalarimiz shubhali va ruxsat etilmagan harakatlarni kuzatib boradi. Sizga notanish oxirgi noodatiy xavfsizlik hodisalarini kuzatib borishingiz mumkin.
Ogohlantirishlaringizni koʻrish uchun:
1. TikTok ilovasida quyi qismdagi Profil bandini bosing.
2. Yuqoridagi Menyu ☰ tugmasini, keyin Sozlamalar va maxfiylik tugmasini bosing.
3. Xavfsizlik va ruxsatlar tugmasini bosing.
4. Xavfsizlik ogohlantirishlari tugmasini bosing.
TikTokda maxfiylik va xavfsizlik haqida batafsil axborot uchun Xavfsizlik markaziga kiring.