TikTokБөлімге өту
«Отбасылық параметрлер» дегеніміз не? • Отбасылық параметрлерді қалай орнатуға болады? • Отбасылық параметрлерді қалай басқаруға болады?
«Отбасылық параметрлер» дегеніміз не?
TikTok қолданбасындағы «Отбасылық параметрлер» ата-аналарға, қамқоршыларға және балаларға қауіпсіздік параметрлерін өз қажеттіліктеріне сай реттеуге мүмкіндік береді. Ата-ана немесе қамқоршы өзінің TikTok аккаунтын баласының аккаунтымен байланыстырып, басқару элементтерін орната алады, соның ішінде:
Күнделікті экран уақыты
Балаңыз TikTok-та күніне қанша уақыт өткізе алатынын көрсетіңіз. 13 пен 17 жас аралығындағы балалар үшін бұл параметр әдепкі бойынша бір сағат болып қосылып тұрады. Сонымен қатар:
• Балаңыздың экран алдындағы уақытын тікелей өз аккаунтыңыздан орнатыңыз.
• TikTok үшін бір экран уақыты шектеуін орнатсаңыз, ол балаңызға тиесілі барлық құрылғыға қолданылады.
• Балаңыздың экран алдында отыруға бөлінген уақыт аяқталғаннан кейін, TikTok-қа қайта оралу үшін енгізілетін кездейсоқ кіру кодын алыңыз.
Экран уақытын басқару тақтасы
Балаңыздың TikTok қолданбасын қанша уақыт пайдаланғанын көріңіз, соның ішінде:
• Баланың соңғы 4 аптадағы күн сайын TikTok-та өткізген жалпы уақыты.
• Соңғы 4 аптада баланың қолданбаны күніне қанша рет ашқаны. «TikTok-тағы экран уақыты» туралы толық ақпарат алыңыз.
Push-хабарландыруларының дыбысын өшіру
Балаңыздың құрылғысында Push-хабарландыруларының дыбысын өшіру уақытын өзіңіз орната аласыз. Бұл параметр әдепкі бойынша қосылып тұрады:
• 13 пен 15 жас аралығындағы жасөспірімдер үшін жоспарланған уақыт 21:00-ден 08:00-ге дейін орнатылады.
• 16 мен 17 жас аралығындағы жасөспірімдер үшін жоспарланған уақыт 22:00-ден 08:00-ге дейін орнатылады.
Сонымен қатар жасөспірімнің құрылғысындағы хабарландыру дауысын өшіру үшін тікелей өз аккаунтыңыздан қосымша уақыт жоспарлауыңызға болады. Әдепкі жоспарланған уақыт пен пайдаланушы көрсеткен интервал қабаттасып жатса, әдепкі параметрлер басымдыққа ие болатынын ескеріңіз. Мысалы, 13 жасар жасөспірімнің жоспарлы уақытын 23:00-ден 07:00-ге дейін орнатсаңыз, 21:00-ден 08:00-ге дейінгі әдепкі уақыт сіз орнатқан параметрдің орнына орнатылады.
TikTok-та push-хабарландыруларды дыбыссыз ету жолы туралы толық ақпарат алыңыз.
Кілтсөздерге сүзгі орнату
Жасөспірімнің TikTok-тағы ленталарынан алып тасталуы керек кілтсөздер мен олардың нұсқаларын немесе хэштегтерді таңдаңыз және кілтсөздер тізімінің көрінетін-көрінбейтінін басқарыңыз.
STEM лентасы
Балаңыз STEM лентасын көре алатынын немесе көре алмайтынын көрсетіңіз.
Ескертпе: STEM лентасы қазір кейбір жерлерде қолжетімді емес.
Қауіпсіз режим
Орынсыз немесе балаңызға лайық емес деп есептейтін контентті шектеңіз.
Байланыстырылған аккаунттағы әрекеттер
Реттелетін жаңартулар және т.б бөлімінде push-хабарландыруларды қосу арқылы балаңыздың әрекеттері (мысалы, аккаунтыңыздың ажыратылғандығы) туралы хабарландырулар алыңыз.
Іздеу
Балаңыз TikTok-та бейнелер, хэштегтер, эфир бейнелерін және т.б. іздей алатын-алмайтынын көрсетіңіз.
Аккаунтты табу мүмкіндігі
Балаңыздың аккаунты жеке немесе ашық болатынын көрсетіңіз. Жеке аккаунтта балаңыз өзіне кім жазылып, ондағы контентті кім көре алатынын өзгері мақұлдай алады.
Аккаунтты басқаларға ұсыну
Балаңыздың аккаунтын басқаларға ұсынуға болатынын немесе болмайтынын көрсетіңіз. TikTok-тағы ұсынылған аккаунттар туралы толық ақпарат алыңыз.
Жеке хабарламалар
Балаңызға жаза алатын аккаунттарға шек қойыңыз немесе жеке хабарламаларды толықтай өшіріп тастаңыз.
Ескертпе: TikTok-та жеке хабарламаларды алмасу мүмкіндігі 16 жасқа толған, тіркелген аккаунт иелеріне ғана қолжетімді.
TikTok-тағы жеке хабарламалар туралы толық ақпарат алыңыз.
Ұнатқан бейнелер
Балаңыз ұнатқан бейнелерді кім көре алатынын көрсетіңіз.
Пікірлер
Балаңыздың бейнелеріне кім пікір жаза алатынын көрсетіңіз.
Ескертпе: TikTok-тың отбасылық параметрлері тек TikTok қолданбасында істейді, оларды мобильдік немесе веб-браузерлерден таба алмайсыз. Балаңыз TikTok-ты браузерден, сондай-ақ TikTok қолданбасынан ашса, TikTok қолданбасындағы Отбасылық параметрлерден бөлек, мобильдік және веб-браузерлерде қолжетімді қауіпсіздік параметрлерін пайдаланғыңыз келуі мүмкін.
Экран уақытының шектерін орнату және мобильді телефон мен веб-браузер арқылы TikTok қолданбасының пайдаланылуын шектеу үшін келесі беттерді қараңыз:
• Android және Chrome жүйелері үшін Google ата-ана бақылау орталығы.
• iPhone, iPad, Mac құрылғылары және Safari браузері үшін Apple ата-аналық бақылауы.
Отбасылық параметрлерді қалай орнатуға болады?
Ата-ана мен баланың аккаунттарын байланыстыру үшін:
1. TikTok қолданбасында экранның төменгі жағындағы «Профиль» түймесін түртіңіз.
2. Жоғарғы жақтағы «Мәзір» ☰ түймесін түртіңіз, содан кейін «Параметрлер және құпиялық» тармағын таңдаңыз.
3. «Отбасылық параметрлер» бөлімін түртіңіз.
4. «Жалғастыру» түймесін түртіңіз.
5. «Ата-ана» немесе «Бала» опциясын түртіңіз, содан кейін «Келесі» түймесін түртіңіз.
6. Аккаунттарды байланыстыру үшін қажетті қадамдарды орындаңыз.
Отбасылық параметрлерді қалай басқаруға болады?
Отбасылық параметрлерді басқару үшін:
1. TikTok қолданбасында экранның төменгі жағындағы «Профиль» түймесін түртіңіз.
2. Жоғарғы жақтағы «Мәзір» ☰ түймесін түртіңіз, содан кейін «Параметрлер және құпиялық» тармағын таңдаңыз.
3. «Отбасылық параметрлер» бөлімін түртіңіз.
4. Басқарғыңыз келетін аккаунтты таңдаңыз, содан кейін параметрлерді қажетінше жаңартыңыз.