TikTokБөлімге өту
TikTok Notes дегеніміз не? • TikTok Notes-пен жұмысты бастау • TikTok Notes қолданбасында жазба жариялау • TikTok Notes қолданбасындағы аккаунт параметрлері • Жазбалар мен профильді жою
TikTok Notes дегеніміз не?
TikTok Notes – адамдарға маңызды сәттерін фотожазбалар арқылы бөлісуге мүмкіндік беретін қолданба. Шытырман оқиғаларыңызды құжаттап, ойларыңызды білдіріп, не болмаса жай ғана күніңіздің суреттерін бөлісетін болсаңыз, бұл тәжірибе фотоконтент арқылы бөліскісі келетіндерге арналған.
TikTok Notes-пен жұмысты бастау
TikTok аккаунтыңыз TikTok Notes қолданбасына байланған, осылайша аккаунт жасаған кезде берген бұрыннан бар мәліметтер арқылы аккаунтқа кіріп, екі қолданбаны ауыстырып қоса аласыз. TikTok аккаунтыңыз болмаса, TikTok Notes арқылы тіркеле аласыз.
TikTok Notes қолданбасында жазба жариялау
TikTok Notes қолданбасында контент жасау үшін, қолданба ішінде тікелей жариялауға болады, сондай-ақ TikTok қолданбасындағы кез келген фотожазбаларыңыз бен үздік пікірлерді TikTok Notes қолданбасында көрінетін ете аласыз. TikTok қолданбасындағы түпнұсқа жазбаңызда оның TikTok Notes қолданбасында да қолжетімді екенін білдіретін сілтеме көрсетіледі.
TikTok желісіндегі фотожазбалар мен үздік пікірлердің TikTok Notes қолданбасында көрінуін қаласаңыз:
Қолданбаны жүктеп алып, жүйеге кірмес бұрын
• TikTok Notes профиліңіз көрініп тұрады және пайдалануға дайын.
• Профиліңіз бен бұрыннан бар фотожазбаларыңыз бен үздік пікірлер TikTok Notes қолданбасында TikTok пайдаланушы атыңыз арқылы көрінеді және ізделеді.
• 18 жасқа толмасаңыз, TikTok Notes профиліңіз әдепкі бойынша «жеке» опциясына қойылады.
• TikTok желісіндегі жария фотожазбаларыңыздың немесе үздік пікірлердің бірін жойсаңыз, жазба немесе пікір TikTok Notes қолданбасынан да жойылады.
• Қолданба қолжетімді болмас бұрын TikTok аккаунтыңызды істен шығарсаңыз немесе жойсаңыз, TikTok Notes қолданбасындағы барлық жазбаңыз бен пікірлер жойылады. Аккаунтыңызды қайта іске қосқан кезде, алдыңғы фотожазбалар TikTok Notes қолданбасында қалпына келтірілмейді.
Қолданбаны жүктеп алып, жүйеге кірген соң
• TikTok желісіндегі жариялау экранында фотожазбаларды TikTok Notes қолданбасында бөлісуді таңдай аласыз (бұл параметр әдетте өшірулі).
• TikTok Notes қолданбасындағы жазбаларыңыздың өз аналитикалар жиынтығы бар (мысалы, жазба қаралымдары, лайктар мен пікірлер) және TikTok қолданбасындағы аналитикадан бөлек.
TikTok Notes фотожазбаларға назар аударады, сондықтан TikTok жазбаларындағы дыбыстар TikTok Notes қолданбасында жарияланған кезде өшіріледі.
TikTok Notes қолданбасындағы аккаунт параметрлері
Қолданбаны жүктеп алып, тіркелген соң немесе жүйеге кірген соң, құпиялық параметрлері мен профиль мәліметтерін TikTok Notes қолданбасында тәуелсіз басқара аласыз.
TikTok Notes қолданбасында тәуелсіз басқара алатын құпиялық параметрлері мен профиль мәліметтері:
Аккаунт түрі: TikTok Notes қолданбасында жеке аккаунт немесе жария аккаунт болуын таңдай аласыз.
Жазбаларыма кім пікір қалдыра алады: әр жазбаңыз үшін пікірлерді қосуға немесе өшіруге болады.
Жазылымдар: әр қолданбада әртүрлі аккаунттарға жазыла аласыз. TikTok Notes қолданбасына алғаш кірген кезде, сіз TikTok қолданбасында жазылған аккаунттар тізімі көрсетіледі. TikTok Notes қолданбасында сол аккаунттарға жазылуды немесе жазылмауды таңдай аласыз.
Лақап ат: әр қолданба үшін әртүрлі лақап ат қоя аласыз.
Профиль фотосуреті: әр қолданба үшін әртүрлі профиль фотосуретін қоя аласыз.
Ескертпе: жоғарыда көрсетілген параметрлерге немесе профиль мәліметтеріне енгізілген қандай да бір өзгеріс TikTok Notes профиліңізге ғана қолданылады.
TikTok және TikTok Notes қолданбаларына ортақ аккаунт параметрлері:
Пайдаланушы аты: TikTok аккаунтыңыз бен TikTok Notes профилінің пайдаланушы аты ортақ. TikTok қолданбасында пайдаланушы атына өзгерістер енгізсеңіз, TikTok Notes профиліңізге де қолданылады.
Блокталған аккаунттар: сіз блоктаған аккаунттар TikTok және TikTok Notes қолданбаларының екеуінде де блокталады.
Отбасылық параметрлер: ата-аналар мен қамқоршылар жасөспірімдерінің қауіпсіздік параметрлерін TikTok желісіндегі Отбасылық параметрлер арқылы реттей бере алады. Қолжетімділік пен пікірлерді тікелей TikTok Notes қолданбасында басқару қажеттігін есте сақтаңыз.
TikTok Notes қолданбасындағы профиль мәліметтері туралы қосымша ақпаратты Құпиялық саясаты бөлімінен қараңыз.
Жазбалар мен профильді өшіру
Жазбаларыңызды немесе пікірлерді жою үшін, олардың әрқайсысын TikTok Notes қолданбасынан тікелей жоя аласыз. TikTok қолданбасында фотожазбаны немесе пікірді жойсаңыз, қолданбаны жүктеп алып, жүйеге кірген соң, ол TikTok Notes қолданбасында автоматты түрде жойылмайды. Қолданбаны жүктеп алып, жүйеге кіргенге дейін, TikTok қолданбасында жойылған фотожазбалар немесе пікірлер TikTok Notes қолданбасында да жойылады.
TikTok Notes профиліңізді жою үшін, TikTok аккаунтын басқару параметрі арқылы сұрау жібере аласыз. Сұрау жіберсеңіз, TikTok аккаунты мен TikTok Notes профилінің екеуі де жойылып, бұдан кейін екеуіне де кіре алмайтыныңызды есте сақтаңыз. Не болмаса TikTok аккаунты мен TikTok Notes профилінің екеуін де істен шығаруды таңдаңыз, сонда оны кез келген уақытта қалпына келтіре аласыз.
TikTok Notes профиліңізді қайта іске қосу үшін, қолданбаға бұрынғы қолданған кіру деректері арқылы кіре аласыз. TikTok аккаунтыңыз да қайта іске қосылады.
TikTok Notes деректеріңіздің көшірмесін сұрау үшін, Деректерді жүктеп алу құралын пайдалану арқылы пайдаланушы аты, фотосуреттер тарихы, пікірлер тарихы және құпиялық параметрлерін қамтитын, бірақ олармен шектелмейтін деректеріңізді сұрата аласыз.