TikTokБөлімге өту
TikTok Studio дегеніміз не? • TikTok Studio-мен жұмысты бастау • TikTok Studio-дағы аккаунт параметрлері • TikTok Studio мүмкіндіктері
TikTok Studio дегеніміз не?
TikTok Studio – авторларға өз аккаунттарын кеңейтуге және олардың контентін бір жерден басқаруға, өңдеуге, жүктеп салуға көмектесуге арналған контентті жасау және басқару қолданбасы. TikTok Studio қолданбасын TikTok қолданбасы мен веб-браузердегі шектеулі автор құралдарымен де пайдалануыңызға болады.
TikTok Studio 18 (немесе Оңтүстік Кореяда 19) жасқа толған адамдар үшін қолжетімді.
TikTok Studio-мен жұмысты бастау
TikTok аккаунтыңыз TikTok Studio-мен байланыстырылған, осының арқасында сіз жүйеге кіріп, аккаунт жасау кезінде берген ақпараттың көмегімен екі қолданба арасында шарлай аласыз. Егер сізде TikTok аккаунты болмаса, TikTok Studio арқылы тіркелуіңізге болады.
TikTok Studio-ға тіркелу немесе кіру үшін:
1. Google Play немесе App Store-дан TikTok Studio-ны жүктеп алыңыз.
2. Қолданбаны ашыңыз. Осы жерде мына әрекеттерді орындауыңызға болады:
༚ TikTok пен TikTok Studio үшін пайдалануға болатын TikTok аккаунтын жасаңыз. Төменгі жақтағы Тіркелу түймесін түртіңіз, содан кейін TikTok аккаунтын жасау нұсқауларын орындаңыз.
༚ Ағымдағы TikTok аккаунтыңызбен кіріңіз.
༚ Google немесе Facebook сияқты үшінші тарап платформасы арқылы кіріңіз. Бұл әдісті таңдасаңыз, сізге әлі де TikTok аккаунты қажет болатынын есте сақтаңыз.
TikTok аккаунтыңызбен TikTok Studio-ға кіргеннен кейін, аккаунтыңыздың деректері мен кейбір параметрлер екі қолданбаға да қолданылады.
TikTok Studio-дағы аккаунтыңыздың параметрлері
Жүктеп алып, TikTok Studio-ға тіркелгеннен немесе кіргеннен кейін кейбір аккаунт параметрлерін реттеуіңізге болады, соның ішінде:
• Қолданба тілі: қолданбаның әдепкі тілін өзгерту.
• Деректеріңізді жүктеп алу: TikTok Studio-да деректеріңізді жүктеп алуды сұрау.
• Аккаунтты өшіру немесе жою: TikTok аккаунтыңызды уақытша өшіру немесе біржола жою. Бұл опцияны таңдасаңыз, біз TikTok аккаунтыңызды да, TikTok Studio профилін де өшіретінімізді немесе жоятынымызды және сіз бұдан кейін екеуіне де кіре алмайтыныңызды есте сақтаңыз.
• Құпиялылық параметрлері: аккаунтыңыздың құпиялылық параметрлерін басқарыңыз.
• Блокталған аккаунттар: өзіңіз TikTok-та блоктаған аккаунттарды басқарыңыз. Сіз TikTok-та блоктаған аккаунттар TikTok Studio-да да блокталатынын есте сақтаңыз.
TikTok Studio мүмкіндіктері
TikTok Studio-да келесідей мүмкіндіктер қарастырылған:
Негізгі бет
Аккаунтыңыз бен жазбаларыңызға шолу жасау, соның ішінде:
• Өңдеу құралдарын пайдалану
• Аналитика
• Болжалды марапаттарыңыз
• Соңғы жазбаларыңыз туралы ақпарат
• Контентіңіз үшін шабыт көзі болып табылатын танымал және ұсынылған бейнелер
Аналитика
Аккаунтыңыз бен жазбаларыңыздың TikTok-тағы өнімділігін бақылаңыз, соның ішінде:
• Жалпы шолу: аккаунт пен жазба аналитикасы.
• Контент: барлық жазбаларыңыздың көрсеткіштері, трендтегі контент және т.б.
• Жазылушылар: жазылушыларыңыздың демографиялық шолуы және олар туралы басқа да статистика.
Жасау
Контентті жасау және жүктеп салу үшін озық өңдеу құралдарын пайдаланыңыз:
• Автоматты субтитрлер: бейнеңізге субтитрлер қосыңыз және оларды өңдеңіз.
• Фоторедактор: суреттеріңізді стикерлермен өңдеңіз, сүзгілерді, қию параметрлерін және т.б. қолданыңыз.
• Автомонтаж: эффектілерден, музыкадан, ауысымдардан және т.б. тұратын үлгіні таңдаңыз.
• Камера: контентті түсіру, өңдеу және жүктеп салу үшін құрылғыдағы камераны ашыңыз.
• Жүктеп салу: құрылғыңыздан суретті немесе бейнені таңдап, пост параметрлерін реттеңіз және оны осы жерден жүктеп салыңыз.
TikTok Studio-да контент жасау туралы білу керек нәрселер:
• Егер TikTok Studio-да жазбаны жүктеп салсаңыз немесе жойсаңыз, ол TikTok-та да жүктеп салынады немесе жойылады.
• Егер TikTok Studio-да бірінші рет контент жасап немесе өңдеп жатсаңыз, қолданбаға құрылғыңыздағы камераны, микрофонды, фотосуреттер мен бейнелерді пайдалануға рұқсат беруіңіз керек.
• Жазба параметрлеріне енгізілген кез келген өзгеріс TikTok пен TikTok Studio-ға қолданылады.
Монетизациялау
TikTok-тағы барлық белсенді бағдарламалар бойынша марапаттарыңызды және монетизация аналитикасын көріңіз:
• Болжалды марапаттар: соңғы 7 күндегі болжалды сыйақыларыңызды қарап шығыңыз.
• Теңгерім: жалпы теңгеріміңізді көріңіз.
• Марапаттар аналитикасы: марапаттарды қалай жинап жатқаныңыз туралы аналитиканы қараңыз.
• Сізге арналған бағдарламалар: қосылуға болатын басқа TikTok монетизация бағдарламалары туралы толығырақ біліңіз.
• Белсенді бағдарламалар: өзіңіз қазір қатысып жатқан монетизация бағдарламаларын көріңіз.
• Таңдаулы авторлар: контентіңізге шабыт алу үшін ұқсас авторлар тізімін қараңыз.
Басқару
Жазбаларыңыз бен пікірлеріңізді іздеңіз, сүзіңіз және сұрыптаңыз, сондай-ақ:
• Постар: лайктар, бөлісу және көру әрекеттері сияқты өнімділік мәліметтерін қараңыз, құпиялылық параметрлерін реттеңіз және жазбаларды жойыңыз.
• Пікірлер: пікірлерге лайк, дизлайк қойыңыз, жауап беріңіз және оларды жойыңыз.