TikTokБөлімге өту
TikTok Shop ұсыныстар жүйелері деген не? • TikTok Shop-та контент қалай ұсынылады • Ұсыныстар жүйесі тәжірибені қалай қалыптастырады • TikTok Shop-та көрсетілетін контентке қалай әсер етуге болады
TikTok Shop ұсыныстар жүйелері деген не?
TikTok миссиясы — жасампаз жетістіктерге ынталандыру және қуаныш әкелу. Біздің мақсатымыз — TikTok Shop-та қызықты әрі қатысты контент пен өнімдерді табуға көмектесу. Біз TikTok Shop-та контенттің кең ауқымын, мысалы, өнім тізбелері немесе белгіленген өнімдері бар жазбаларды ұсынамыз және тұтынушы болсын, сатушы болсын немесе автор болсын — әрбір адам үшін маңызды өнімдерді санаттар бойынша топтастыруға көмектесеміз. Тәжірибені жекелендіру үшін біз ұсыныстар жүйелерін пайдаланамыз. Бұл жүйелер TikTok-тағы басқа ленталарға ұқсас келеді. Бұл жүйелер TikTok-тағы және TikTok Shop-тағы өнімді сатып алу немесе жазбаға лайк қою сияқты өзара әрекеттесулер түріндегі таңдаулар негізінде контент пен өнімдерді ұсынады және рейтинг тағайындайды.
TikTok Shop-та контент қалай ұсынылады
Біз басты үш факторды пайдаланамыз — пайдаланушының өзара әрекеттесулер, контент туралы ақпарат және пайдаланушы туралы ақпарат. Бұл факторлар контенттің TikTok-тағы пайдаланушылар үшін қаншалықты қатысты және қызықты болатынын болжауға көмектеседі. Аталған факторлардың маңыздылығы мен қолданбаның түрлі салаларындағы рейтингісі кейіннен өзгеруі, атап айтқанда кейбір факторлар қандай контенттің ұсынылатынына көбірек әсер ете бастауы мүмкін.
Пайдаланушының өзара әрекеттесулері
Тұтынушы, сатушы немесе автор ретінде сіз TikTok Shop-пен үнемі жақсартылып және кеңейтіліп отыратын түрлі ленталар мен мүмкіндіктер арқылы өзара әрекеттесесіз. Сіздің TikTok пен TikTok Shop-тағы өзара әрекеттесулеріңіз жүйеге сізге қандай контент пен өнімдердің қызықты және қатысты болатынын, ал қандай контентті өткізіп жіберуіңіз мүмкін екенін болжауға мүмкіндік береді. Мысалы, егер сіз өнімге лайк қойсаңыз немесе сақтасаңыз, бұл сіздің ықтимал қызығушылығыңызды көрсетеді және жүйе сізге соған ұқсас өнімдерді ұсынуы мүмкін.
Контент туралы ақпарат
Сіз өзара әрекеттесетін контент түрі, мысалы, жазбаға қойылған лайк саны немесе жазбаның іздеу сұрауына қаншалықты сәйкес келетіні жүйеге қандай контент пен өнімдердің сіз үшін қатысты болатынын, ал қандайын өткізіп жіберуіңіз мүмкін екенін болжауға мүмкіндік береді. Мысалы, егер сіз «торт» деп іздесеңіз, жүйе паста сияқты ащы тағамдарды емес, піспенан сияқты десерттерге қатысты жазбаны немесе өнімді ұсынуы мүмкін. Яғни іздеу контексіне сәйкес сізді ащы тағамдардан гөрі десерттер қызықтыруы мүмкін.
Пайдаланушы туралы ақпарат
Тіл таңдауы және басқа параметрлерде сіз көрсеткен ақпарат жүйеге қандай контент пен өнімдердің сіз үшін қатысты болатынын, ал қандайын өткізіп жіберуіңіз мүмкін екенін болжауға мүмкіндік береді. Мысалы, егер сіздің Испанияда екеніңізді анықтасақ, жүйе басқа аймақтарға емес, Испанияға қатысты немесе сол аймақтағы пайдаланушыларды қызықтыруы мүмкін контент мен өнімдерді ұсынуы мүмкін.
Рейтинг туралы мыналарды білген жөн:
• Бұл факторлардың әрқайсысы контенттің ұсынылуы және оған рейтингтің тағайындалуы кезінде белгілі бір рөл ойнайды. Фактордың маңыздылығы уақыт өте келе өзгеруі мүмкін.
• Тұтынушылар үшін үлкен рөл ойнайтын факторлар сізге ұнауы мүмкін контент пен өнім түрлерін дәл көрсететіндіктен пайдаланылады.
• Сатушылар мен авторлар үшін үлкен рөл ойнайтын факторлар сіз сатқыңыз келетін немесе сізге ұнайтын дүкендер мен авторлардың айналысқысы келетін өнім түрлерін дәл көрсететіндіктен пайдаланылады.
• Ақылы жарнама арқылы ұсынылатын контенттің рейтингісі жоғарырақ болады.
Ұсыныстар жүйесі тәжірибені қалай қалыптастырады
Тұтынушылар үшін
TikTok Shop-та қызығушылықтарыңыз негізінде өнімдерді қарап шығуға және жаңа сатушылармен танысуға болады. Төменде TikTok Shop контенті мен өнімдеріне өтуге болатын танымал мүмкіндіктер көрсетілген.
TikTok ленталары
TikTok Shop контенті мен өнімдерін «Ұсыныстар» лентасы, «Жазылымдар» лентасы, «Достар» қойындысы және «Тікелей эфир» лентасы арқылы көруге болады. Бұл ленталар әрбір пайдаланушы үшін бірегей болып табылады және бізге ұсыныстарды қалыптастыруға көмектеседі.
TikTok Shop контентіне ленталардағы мынадай ақпарат түрлері әсер етуі мүмкін:
• Пайдаланушының өзара әрекеттесулері: сіз қараған өнімдер мен дүкендер; сіз сақтаған, себетке қосқан және сатып алған өнімдер; сіз лайк қойған, бөліскен, пікір қалдырға, толық қараған немесе өткізіп жіберген жазбалар; сіз пайдаланған хэштегтер; сіздің іздеу сұрауларыңыз және сіз жазылған аккаунттар.
• Контент туралы ақпарат: көрілімдер, лайктар, пікірлер саны және контенттегі өнім туралы мәліметтер, сондай-ақ жазба жарияланған ел.
• Пайдаланушы туралы ақпарат: құрылғы параметрлері, тіл таңдаулары, орналасқан жер, уақыт белдеуі мен апта күні, құрылғы түрі.
Көптеген тұтынушылар үшін бейнені қарауға жұмсалған уақыт немесе өнімді сатып алу сияқты өзара әрекеттесулер әдетте басқаларына қарағанда маңыздырақ.
Shop қойындысы
Shop қойындысы — TikTok қолданбасының бір жерден дүкендерді қарауға және өнімдерді сатып алуға болатын маркетплейс аймағы. Егер сіз тұратын аймақта Shop қойындысы қолжетімсіз болса, біздің платформада сатушы дүкендерін бәрібір де қарай аласыз және өнім ұсыныстарын ала аласыз. Learn more about how content and products are ranked when you search within the Shop Tab.
TikTok Shop контентіне Shop қойындысындағы мынадай ақпарат түрлері әсер етуі мүмкін:
• Пайдаланушының өзара әрекеттесулері: сіз қараған өнімдер мен дүкендер, сіз сақтаған, себетке қосқан және сатып алған өнімдер, сондай-ақ сіз лайк қойған, бөліскен немесе пікір қалдырған, толық қараған немесе өткізіп жіберген TikTok Shop контенті.
• Контент туралы ақпарат: өнім немесе дүкеннің көрілімдер және қойылған бағалар саны, өнім сипаттамалары мен фотосуреттеріндегі ақпараттың толықтық деңгейі және өнімдерді сатып алу немесе себетке қосу жиілігі сияқты өнім туралы ақпарат.
• Пайдаланушы туралы ақпарат: құрылғы параметрлері, орналасқан жер, уақыт белдеуі, апта күні, құрылғы түрі және сатушы туралы ақпарат, мысалы, жөнелту жылдамдығы, қайтару пайызы, шағымдар саны және сертификаттар.
Көптеген тұтынушылар үшін өнімді сатып алу сияқты өзара әрекеттесулер әдетте басқаларына қарағанда маңыздырақ.
Іздеу
TikTok Shop-та өнімдерді іздеудің бірнеше жолы бар, соның ішінде: «Ұсыныстар», «Жазылымдар» лентасы және Shop қойындысы (сіз тұратын аймақта қолжетімді болса).
TikTok Shop контентіне іздеу сұрауындағы мынадай ақпарат түрлері әсер етуі мүмкін:
• Пайдаланушының өзара әрекеттесулері: сіз іздеуден кейін тапсырыс берген, сақтаған және себетке қосқан өнімдер, сондай-ақ сіз қараған дүкендер, сіз лайк қойған, бөліскен, пікір қалдырған, толық қараған немесе өткізіп жіберген TikTok Shop контенті.
• Контент туралы ақпарат: өнімнің немесе дүкеннің көрілімдер саны, өнімнің, брендтің немесе TikTok Shop контентінің іздеу сұрауына қаншалықты сәйкес келетіні, қойылған бағалар саны және тұтынушылардың өнімге деген қанағаттанушылық деңгейі, өнім туралы ақпараттың толықтығы мен анықтығы, сондай-ақ пайдаланушылардың өнімді сатып алу немесе себетке қосу жиілігі.
• Пайдаланушы туралы ақпарат: құрылғы параметрлері, тіл таңдаулары, орналасқан жер, уақыт белдеуі, құрылғы түрі және сатушы туралы ақпарат, мысалы, жөнелту жылдамдығы, қайтару пайызы, шағымдар саны және сертификаттар.
Көптеген тұтынушылар үшін өнімнің, брендтің немесе TikTok Shop контентінің іздеу сұрауына қаншалықты сәйкес келетіні сияқты контент туралы ақпарат іздеу сұрауларында әдетте онша тікелей қатысты емес ұсынылған нәтижелерге қарағанда маңыздырақ.
TikTok Shop-тың контентті ұсынуына әсер ететін басқа факторлар
• Ұсыныстарды әртараптандыру: сізге TikTok ленталарында контентті ұсынған кезде біз мына мақсатты көздейміз: сізге қатысты контентті ұсыну және сізге жаңа идеяларды, авторларды және перспективларды таныстыру арасындағы тепе-теңдікті табу. Сондықтан сізге кейде қызығушылықтарыңызға қатысты емес контент көрсетілуі мүмкін. Біз әдетте бұрын көрген контентті ұсынбаймыз және ұсыныстар арқылы контенттің әртүрлі санаттары мен авторларды қарап шығуға кеңес береміз. Сол себепті TikTok пен TikTok Shop контентінің ленталарда араласып келетінін байқауыңыз мүмкін.
• Қауіпсіздікті қорғау: біздің жүйелерде қауіпсіздік бірінші орынға қойылады. Біздің Қауымдастық ережелерімізді және Қызмет көрсету шарттарына сәйкес өнім саясаттарын бұзған контент немесе өнімдер жойылады. Модераторлар командасы қосымша шаралар қолдану арқылы контент сұранысы артқан сайын оны тексеріп, TikTok желісіндегі пайдаланушылардың барлығына сәйкес келе бермейтін контенттің немесе өнімдердің ұсынылу ықтималдығын азайтады. Өнімдер мен бейнелер жарияланбай тұрып тексеруден өтеді. Жазба немесе өнім команда тексеруінен өтпейінше ұсынылмайды және оған рейтинг тағайындалмайды.
• Өнім қолжетімділігі: TikTok Shop контентінде немесе эфир бейнелерінде көрсетілген өнімдердің барлығы қолда бар және сатып алу үшін қолжетімді болған соң ғана ұсынылады. Ұсынылатын өнімдердің өзектілігін сақтау үшін мерзімі 180 күннен асқан бейнелер ұсыну үшін жарамды болмайды.
Сатушылар үшін
Сатушы ретінде сіз TikTok Shop-та тұтынушыларға өнімдеріңізді таныстырып, сатып алуға ұсына аласыз.
Сондай-ақ Сатушылар орталығында дүкеніңізді жақсарту бойынша ұсыныстарды алуға, соның ішінде қызметтесуге болатын авторларды табуға болады.
TikTok Shop контентіне Сатушылар орталығындағы мынадай ақпарат түрлері әсер етуі мүмкін:
• Пайдаланушының өзара әрекеттесулері: сату тарихы, сіз қараған немесе байланысқан авторлар, сіз қараған беттері және сіз өзара әрекеттескен контент түрлері сияқты сатушы жасаған өзара әрекеттесулер.
• Контент туралы ақпарат: автор мен тұтынушылар арасындағы өзара әрекеттесу, соның ішінде лайктар саны, өнім көрілімдері және қарау уақыты, сондай-ақ жарнамаланған өнімдердің тарихы, жарнамалардан түскен кірістер және бейнелер немесе тікелей эфир науқандары сияқты жарнамалау әдістері.
• Пайдаланушы туралы ақпарат: аккаунт туралы ақпарат, өнім санаты, өнім қоры, ағымдағы уақытқа дейінгі жалпы кірістер және сіз бірлесіп жұмыс істеген авторлардың тарихы сияқты сатушы туралы ақпарат.
Көптеген сатушылар үшін дүкеннің ағымдағы өнім қоры және сату тарихы, сондай-ақ автордың жазылушылар саны, белсенділік коэффициенті және өнімдерді жарнамалау тарихы сияқты пайдаланушы туралы ақпарат әдетте басқаларына қарағанда маңыздырақ.
Авторлар үшін
Сүйікті өнімдеріңізді қауымдастыққа таныстырып, олардың өнімділігін қадағалау үшін TikTok Shop Авторлар орталығы арқылы сатушылармен қызметтесуіңізге болады. TikTok Shop Авторлар орталығында аймағыңызға байланысты «сіз үшін ұсынылғандар», «үздік сатушылар» және тағы басқасы сияқты мүмкіндіктерді пайдалана аласыз.
TikTok Shop контентіне Авторлар орталығындағы мынадай ақпарат түрлері әсер етуі мүмкін:
• Пайдаланушының өзара әрекеттесулері: сіз жариялаған контент, тікелей эфирдегі белсенділік, іздеу тарихы, қаралған өнімдер, сондай-ақ сіз өнімдермен бұрын жасаған өзара әрекеттесулер, мысалы, үлгілерін сұратқан өнімдер, сіз жарнамалаған өнімдер және жалпы сату сияқты автор жасаған өзара әрекеттесулер.
• Контент туралы ақпарат: өнім бағасы, санаты, қойылған лайктар, көрілімдер және сатып алу әрекеттерінің саны, сату көлемі, жарнамаланған өнім үшін қанша комиссия алынғаны, дүкен туралы ақпарат, мысалы, өнім құны және дүкен белсенділігі сияқты өнім туралы ақпарат.
• Пайдаланушы туралы ақпарат: жазылушылар саны және жарияланған жазбалар, жасалған жазбалар саны және контент санаты сияқты автор туралы ақпарат.
Көптеген авторлар үшін үлгілерін сұратқан өнімдер, презентация немесе эфир бейнелері сияқты арналар арқылы жарнамаланған өнімдер және аяқталған сату әрекеттері сияқты пайдаланушының өнімдермен жасаған өзара әрекеттесулері әдетте басқаларына қарағанда маңыздырақ.
TikTok Shop-та көрсетілетін контентке қалай әсер етуге болады
Осы мақалада TikTok Shop-та контенттің сізге ұсынылуына әсер ететін көптеген себептер айтылып кеткен болатын. Сондай-ақ көрінетін контентке сіз де әсер ете аласыз. Осы орайда біз ұсынатын мүмкіндіктер мен параметрлер (мысалы, жазбаға лайк қою опциясы) жүйенің болашақта ұқсас контентті ұсынуына мүмкіндік береді. TikTok Shop тәжірибесіне тікелей әсер етудің қосымша жолдары төменде көрсетілген.
Тұтынушылар үшін
Ұсыныстар
TikTok желісіне тіркелген кезде қызығушылық санаттарын таңдауға қоса, «Ұсыныстар» лентасын қалыптастыруға көмектесу үшін мына мүмкіндіктерді де пайдалануға болады:
• Қызықты емес: белгілі бір контенттің белгілі бір бөлігі сізді қызықтырмаса, қызық емес деп пікір қалдыру арқылы бізге хабар беруіңізге болады, сонда мұндай контентті азырақ көрсетеміз.
• Лентаны жаңарту: «Ұсыныстар» лентасында ұсынылатын контентті жаңартуыңызға, сондай-ақ танымал контентке лайк қою және пікір қалдыру сияқты өзара әрекеттесулерді жасауыңызға болады.
• Кілтсөздерге сүзгі орнату: лентадан белгілі бір сөздері және олардың түрлі нұсқалары, сондай-ақ белгілі бір хэштегтері бар контентті алып тастау үшін сүзгілерді пайдалануға болады.
Жазылымдар
«Жазылымдар» лентасын қалыптастыруға көмектесу үшін келесі мүмкіндіктерді пайдаланыңыз:
• Жазылудан бас тарту: авторға жазылудан бас тарту арқылы оның жазбаларын «Жазылымдар» лентасынан тікелей жоюға болады.
• Кілтсөздерге сүзгі орнату: лентадан белгілі бір сөздері және олардың түрлі нұсқалары, сондай-ақ белгілі бір хэштегтері бар контентті алып тастау үшін сүзгілерді пайдалануға болады.
Достар
«Достар» лентасын қалыптастыруға көмектесу үшін келесі функцияларды пайдаланыңыз:
• Жазылудан бас тарту: авторға немесе досыңызға жазылудан бас тарту нәтижесінде «Достар» қойындысында сол аккаунттағы жазбалар жойылуы мүмкін.
• Қызықты емес: ұсынылған аккаунттар негізінде таныс адамдар ұсынған контентті ұнатпасаңыз, қызық емес деп пікір қалдыру арқылы бізге хабарлауға болады, сонда сізге сол автордың контентін азырақ көрсететін боламыз.
• Кілтсөздерге сүзгі орнату: «Достар» лентасынан белгілі бір сөздері және олардың түрлі нұсқалары, сондай-ақ белгілі бір хэштегтері бар контентті алып тастау үшін сүзгілерді пайдалануға болады.
Тікелей эфир
TikTok желісіне тіркелген кезде қызығушылық санаттарын таңдауға қоса, «Тікелей эфир» лентасын қалыптастыруға көмектесу үшін мына мүмкіндіктерді де пайдалануға болады:
• Қызықты емес: белгілі бір тікелей эфир контентінің белгілі бір бөлігі сізді қызықтырмаса, қызық емес деп пікір қалдыру арқылы бізге хабар беруіңізге болады, сонда сізге осы автордың контентін азырақ көрсетеміз.
• Кілтсөздерге сүзгі орнату: «Тікелей эфир» лентасынан белгілі бір сөздері және олардың түрлі нұсқалары, сондай-ақ белгілі бір хэштегтері бар контентті алып тастау үшін сүзгілерді пайдалануға болады.
Іздеу
Іздеу нәтижелерін қалыптастыруға көмектесу үшін төмендегі мүмкіндіктерді пайдалануыңызға болады:
• Сүзгілер: іздеуді нақтылау үшін іздеу нәтижелеріне сүзгі қоюға болады. Мысалы, баға ауқымы, рейтингісі, түсі немесе өлшемі бойынша сүзгі қоюға болады.
• Сұрыптау реті: іздеу нәтижелерін сәйкестігіне, өнім өтімділігіне, бағаларына және күніне қарай арту немесе кему ретімен сұрыптауға болады.
Shop қойындысы
Shop қойындысын қалыптастыруға көмектесу үшін төмендегі мүмкіндіктерді пайдалануыңызға болады:
• Кері байланыс: егер сізге белгілі бір өнім ұнамаса, бізге хабарлауыңызға болады. Өнім немесе ұқсас өнімдер сізді қызықтырмайды деген кері байланыс беру үшін іздеу нәтижелерінде немесе Shop қойындысының лентасында өнімді басып тұрыңыз.
Сатушылар үшін
Сатушылар орталығы
Сатушылар орталығын қалыптастыруға көмектесу үшін төмендегі мүмкіндіктерді пайдалануыңызға болады:
• Сүзгілер: іздеуді нақтылау үшін іздеу нәтижелеріне сүзгі қоюға болады. Мысалы, қызметтесуге болатын авторларды санат немесе жазылушылар саны бойынша таба аласыз.
Авторлар үшін
Авторлар орталығы
Авторлар орталығын қалыптастыруға көмектесу үшін төмендегі мүмкіндіктерді пайдалануыңызға болады:
• Сүзгілер: іздеуді нақтылау үшін іздеу нәтижелеріне сүзгі қоюға болады. Мысалы, бірге жұмыс істеуге болатын сатушыларды өнім санаты немесе комиссия мөлшерлемесі бойынша іздеуге болады.
• Сұрыптау реті: іздеу нәтижелерін ұсынылуы, өнім өтімділігі, бағалары, шығарылу күні және комиссия мөлшерлемесі бойынша арту немесе кему ретімен сұрыптауға болады.