TikTokBoʻlimga kirish
TikTokda STEM tasmasi nima? • STEM tasmasi qanday boshqariladi • STEM tasmasi uchun qanday kontent mos keladi? • TikTok qaysi kontent STEM tasmasida chiqishini qanday tanlaydi?
TikTokda STEM tasmasi nima?
STEM tasmasi – bu ilm-fan, texnologiya, muhandislik va matematika (STEM) bilan bogʻliq kontentni namoyish qiladigan TikTokdagi ixtiyoriy tasmadir. Agar STEM sozlamasi yoqilsa, TikTok ilovasini ochganingizda yuqorida ushbu tasmani topishingiz mumkin.
STEM tasmasi qanday boshqariladi
STEM tasmasi sozlamasini istalgan paytda yoqish yoki faolsizlantirishingiz mumkin.
STEM tasmasini boshqarish uchun:
1. TikTok ilovasida quyi qismdagi Profil bandini bosing.
2. Yuqoridagi Menyu ☰ tugmasini, keyin Sozlamalar va maxfiylik tugmasini bosing.
3. Kontent parametrlari tugmasini bosing.
4. STEM tasmasi bandini bosing, keyin tasmani yoqing yoki faolsizlantiring.
STEM tasmasi uchun qanday kontent mos keladi?
Biz STEM tasmasidagi kontentni 13 yosh va undan kattalar uchun mos saqlashni maqsad qilganmiz, yaʼni u Hamjamiyat qoidalariga rioya qilishi kerak. Bunga Siz uchun tasmasi kontenti kirishi mumkin. Agar post oʻchirilsa yoki Siz uchun tasmasi uchun nomuvofiq qilib belgilansa, u STEM tasmasidan avtomatik oʻchiriladi. Istalgan hududdan TikTokda ommaga ochiq boʻlgan kontent STEM tasmasida tavsiya qilinishi mumkin, hatto agar STEM tasmasi ushbu hududda ishlamasa ham.
TikTok qaysi kontent STEM tasmasida chiqishini qanday tanlaydi?
STEM tasmasi ilm-fan, texnologiya, muhandislik va metematika boʻyicha keng turdagi kontentlarni tavsiya qiladi. Biz STEMga aloqador kontentni aniqlash uchun ichki tizimlardan foydalanamiz, keyin kontentni baholash va uning STEM tasmasiga mos kelishini taʼminlash uchun tashqi hamkor bilan ishlaymiz. Keyin tashqi faktlarni tekshiruvchi tashkilot taqdim etilgan axborotlarning ishonchliligini baholaydi. Agar kontent ikkala tekshiruv nuqtasidan oʻtmasa, u STEM tasmasiga chiqish huquqiga ega boʻlmaydi.
Eslatma: AQSHdan tashqarida joylashgan ayrim ishonchli hisoblarning STEM tasmasi kontenti tashqi hamkorlarimiz tomonidan baholanmaydi. Lekin biz uni TikTokdagi barcha kontentlar kabi Hamjamiyat qoidalariga amal qilishini tekshirishda davom etamiz. Bundan tashqari, ushbu ishonchli hisoblardagi kontent AQSHdagi odamlar uchun STEM tasmasida chiqarilmaydi. Ishonchli hisoblarga fan muzeyi yoki matematika professori kabi akkreditatsiya qilingan muassasalar, tashkilotlar yoki shaxslar kirishi mumkin.