TikTokBoʻlimga kirish
TikTokda Duet nima? • Boshqa shaxsning videosi qanday Duet qilinadi
TikTokda Duet nima?
Duet sizga TikTokdagi boshqa ijodkorning videosi bilan yonma-yon video joylash imkonini beradi. Duet bir vaqtda ijro qilinadigan ajratilgan ekrandagi ikkita videodan iborat boʻladi. Unutmang, boshqalarga videolaringiz bilan Duet qilishga ruxsat berish uchun sizda ommaviy hisob boʻlishi kerak.
Hisobingiz maxfiylik sozlamalarida videolaringiz bilan kimlar Duet qilishi mumkinligini tanlang:
• Har kim: Agar ushbu ruxsatni tanlasangiz va Duetni yoqqan boʻlsangiz, videolaringiz bilan istalgan kishi Duet qilishi mumkin.
• Tanishlar (siz javoban kuzatadigan kuzatuvchilar): Agar ushbu ruxsatni tanlasangiz va Duetni yoqqan boʻlsangiz, faqat siz kuzatadigan va siz javoban kuzatadigan odamlar videolaringiz bilan Duet qilishi mumkin.
• Faqat siz: Agar ushbu ruxsatni tanlasangiz, boshqalar videolaringiz bilan Duet qila olmaydi.
Mavjud barcha videolarda Duet funksiyasini bir vaqtda faolsizlantirishingiz yoki alohida videolar uchun faolsizlantirishingiz mumkin. Agar Duet funksiyasini faolsizlantirsangiz, boshqalar videolaringiz bilan Duet qila olmaydi.
Duet maxfiylik sozlamalarini qanday boshqarish haqida batafsil.
Boshqa birovga videongiz bilan Duet qilishga ruxsat berganingizda bilishingiz kerak boʻlgan narsalar:
• Bu shaxsning maxfiylik sozlamalari Duetni kim koʻrishi, unga fikr bildirishi, yuklab olishi yoki u bilan munosabatga kirishishi mumkinligini belgilaydi.
• Duet faqat Duetni yozgan shaxsning profilida chiqadi. Original videongiz faqat profilingizda chiqadi.
• Agar boshqalarga videongiz bilan duet qilishga ruxsat bersangiz, lekin keyin videongizdan kim foydalanishini cheklash uchun sozlamalaringizni oʻzgartirsangiz yoki videongizni oʻchirib tashlasangiz, allaqachon yaratilgan mavjud duetlar TikTokda qoladi. Agar sizda biror savol yoki xavotir boʻlsa, video haqida shikoyat qilishingiz mumkin. Videongizga aloqador Duet videolarni oʻchirib tashlashni tanlashingiz ham mumkin.
Agar 18 yoshdan kichik boʻlsangiz:
Duet sozlamalaringiz tafsilotlari uchun oʻsmirlar uchun maxfiylik va xavfsizlik sozlamalari bilan tanishib chiqing.
Boshqa shaxsning videosiga qanday Duet qilinadi
TikTokdagi biror videoga Duet qilish uchun:
1. TikTok ilovasida siz Duet qilmoqchi boʻlgan video yon tomonidagi Ulashish tugmasini bosing.
2. Quyi qismdagi Duet tugmasini bosing. Uni topish uchun surishingiz kerak boʻlishi mumkin.
3. Effektlar, filtrlar qoʻshing yoki boshqa kamera vositalaridan foydalaning.
4. Yozishni boshlash va toʻxtatish uchun avval Yozish tugmasini, keyin Davom etish ✓ tugmasini bosing.
5. Filtr, tovush, matn, stikerlar, effektlar va boshqalarni qoʻshing yoki kengaytirilgan tahrirlash vositalaridan foydalaning.
6. Hikoyalaringizga joylash uchun Hikoyangiz tugmasiga yoki qoʻshimcha tahrirlar kiritish uchun Keyingisi tugmasiga tegining, jumladan:
༚ Tavsif kiritish
༚ Heshteglar kiritish
༚ Odamlarni belgilash
༚ Joyashuv kiritish
༚ Havola kiritish
༚ Maxfiylik sozlamalarini boshqarish
7. Duetingizni nashr qilish uchun Joylash tugmasiga tegining yoki uni saqlash uchun Qoralamalarga tegining. Qoralamalaringiz profilingizda faqat sizga koʻrinadi.
Eslatma: Baʼzi videolarga Duet yoqilmagan.
Agar maxfiylik huquqlaringizni yoki Hamjamiyat qoidalarini buzgan alohida Duet videoni koʻrsangiz, onlayn shakl orqali bizga murojaat qilishingiz mumkin.